Erler arasyndaǵy jarystyń shırek fınalynda ıspanııalyq Rafael Nadal men argentınalyq Hýan Martın del Potro kúsh synasady. Qazirgi kezde álemniń birinshi raketkasy atanyp otyrǵan Pıreneı túbeginiń túlegi shırek fınalda avstrııalyq Domenık Tımdi túze búktirse, ATR tiziminde úshinshi orynda turǵan Ońtústik Amerıkanyń oǵlany amerıkalyq Djon Iznerdi jeńdi.
Kelesi jartylaı fınalda japonııalyq Keı Nıshıkorı men serbııalyq Novak Djokovıch kezdesedi. Osynyń aldyndaǵy básekede úzdikter reıtınginde 19 satyǵa jaıǵasqan Kún shyǵys eliniń qyrany horvatııalyq Martın Chılıchten aılasyn asyrsa, álemniń altynshy raketkasy degen ataǵy bar qart qurlyq ókiliniń avstralııalyq Djon Mıllmannan mereıi ústem boldy.
Áıelder arasyndaǵy jartylaı fınaldyq mejede amerıkalyq Serena Ýılıams pen latvııalyq Anastasııa Sevastova sheberlik baıqasady. Uzaq jyldar boıy álemdik kóshti bastaǵan AQSh ataqty tennısshisi bul kúnderi nebary 26 oryndy ıelenýde. Al WTA tiziminde 18 orynda turǵan Baltyq jaǵalaýynan kelgen oıynshy úshin osy mejege jetýdiń ózi onyń sporttyq karerasyndaǵy eń zor tabys.
Kelesi jartylaı fınalda amerıkalyq Medıson Kız ben japonııalyq Naomı Osaka kúsh synasady. Álemdik reıtıngte AQSh-tyń myqtysy 14 satyǵa taban tirese, Japonııanyń juldyzy 19 orynda tur. Byltyr Kız osy týrnırdiń aqtyq synynda oınasa, Osaka úshinshi kezeńde súrengen edi. Olardyń ekeýi de áli kúnge deıin «Úlken dýylǵa» týrnırlerinde top jaryp kórmegen.
Ǵalym SÚLEIMEN,
«Egemen Qazaqstan»
