Úkimet • 07 Qyrkúıek, 2018

Baqytjan Saǵyntaev Goldman Sachs ınvestısııalyq bankiniń ókilderimen kezdesý ótkizdi

360 ret

kórsetildi

1 mın

oqý úshin

Búgin Úkimet úıinde QR Premer-Mınıstri Baqytjan Saǵyntaev taýarlar naryqtaryn zertteý tobynyń basshysy, munaı naryǵy máseleleri boıynsha álemdegi jetekshi sarapshylardyń biri Djeffrı Karrı bastaǵan Goldman Sachs ınvestısııalyq bankiniń ókilderimen kezdesý ótkizdi.

Egemen Qazaqstan

Baqytjan Saǵyntaev Goldman Sachs ınvestısııalyq bankiniń ókilderimen kezdesý ótkizdi

Kezdesý barysynda birlesken ınvestısııalyq jobalardy iske asyrý jóninde bankpen yntymaqtastyq ornatý máseleleri, sondaı-aq, elimizdiń munaı salasynda hedjerleý quraldaryn paıdalaný máseleleri talqylandy. Atap aıtqanda, «Astana» halyqaralyq qarjy ortalyǵy bırjasynda qazaqstandyq kompanııalardy jekeshelendirýge halyqaralyq ınvestorlardy tartý keleshegi qaraldy.

The Goldman Sachs Group, Inc. — ınvestısııalyq bankıngpen, qundy qaǵazdardy satýmen, ınvestısııalyq menedjmentpen jáne ózge de qarjy qyzmetterimen aınalysatyn, qarjy konglomeraty sanalatyn, álemdegi iri ınvestısııalyq bankterdiń biri. 2013 jyldan bastap Doý-Djonstyń ónerkásiptik ındeksine kiredi. Markýs Goldman 1869 jyly kompanııanyń negizin qalaǵan. Shtab-páteri Nıý-Iork qalasynda ornalasqan.

Goldman Sachs korporatıvtik jáne ınvestısııalyq bankıng salasyndaǵy álemdegi iri oıynshylardyń biri retinde oblıgasııalardy shyǵarý men túrli uıymdar men memlekettik, kvazımemlekettik jáne jeke sektorlardyń kompanııalarynyń aksııalaryn ornalastyrý salasyndaǵy álemdegi basty uıymdastyrýshy rólin atqarady.