Kóp asqanǵa bir tosqan

Alǵashqy ret qylmys jasap qolǵa túspeı ketý bal arasynyń omartasynan suq saýsaǵyńdy batyryp asaǵan sııaqty bolýy kerek. Aıyrmasy, omartashy betperde kıip, eńbekqor aralardyń balyn jınap alady. О́z eńbegi, óz omartalary. Al, betperde kıip kisi úıine qaraqshylyq shabýyl jasalǵandardyń kúniniń uzaqtyǵy bir tutam. Biraq, osyny olar ýaqytynda seze qoımaıdy. Qolǵa túskende ǵana ólerdeı ókinedi. Saıram aýdandyq ishki ister bólimi qamaýǵa alǵan qylmystyq top eger aıtqandary ras bolsa 2011 jyldyń aqpanynda qurylǵan. Jıyrma toǵyzdaǵy azamat basqarǵan toptyń eń jasy kishisi 1990 jyly dúnıege kelgen bozbala. Áýelde “Badam” aýylynda bir úıge qaraqshylyq shabýyl jasap, 300 myń teńge alyp izin jasyrǵandar qolǵa túse qoımaıdy. “Dándegen qarsaq quıryǵymen in qazady” degendeı, osydan keıin birneshe qylmys jasap, Saıram aýdanyndaǵy bir azamatshany qınaý arqyly 10 myń dollardan astam qarjysyn áketken. Taǵy birde úı ıesimen arpalysqa túsip, ózgeler kelip qalatyn bolǵan soń aıaǵynan atyp ketedi. Bulardyń Almaty qalasynda da qylmys jasaǵandary belgili bolyp otyr. Talaı úıdi qanqaqsatyp, ońaı oljaǵa dánikkender ómirimiz osylaı erkin ótedi dep oılasa kerek. Qolǵa tústi. Endi ógizdeı ókirip, ótkenine ókinish bildirgenimen keshý joq. Qylmystary úshin sot aldynda ádil jazasyn alatyn bolady. Baqtııar TAIJAN, Shymkent