Otyrys barysynda ındýstrıaldy damý salasyndaǵy memlekettiń uzaq merzimdi ári júıeli saıasaty talqylandy. Atap aıtqanda, Komıssııa músheleriniń qaraýyna 2020–2024 jyldarǵa arnalǵan Qazaqstan Respýblıkasynyń ındýstrıaldy-ınnovasııalyq damý tujyrymdamasy usynyldy.
QR ınvestısııalar jáne damý mınıstri J. Qasymbektiń aıtýynsha, joba Elbasynyń «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» atty Qazaqstan halqyna Joldaýynda alǵa qoıylǵan mindetterge sáıkes jáne Qazaqstan Respýblıkasynyń 2025 jylǵa deıingi Strategııalyq damý josparynyń negizgi talaptaryna negizdelip daıyndalǵan.
Málim bolǵandaı, elimizde 2010 jyldan bastap ekonomıkany ártaraptandyrý jáne shıkizat baǵytynan shyǵý jolymen elimizdiń turaqty damýyna qol jetkizýge baǵyttalǵan ındýstrıaldy saıasat júrgizilip keledi. 2019 jyly ındýstrııalandyrýdyń ekinshi besjyldyǵy aıaqtalady. Úshinshi besjyldyqtyń talqylanyp jatqan tujyrymdamasynda QR óńdeý ónerkásibiniń halyqaralyq básekege qabilettiligin yntalandyrýǵa jaǵdaı jasaýdy anyqtaý usynylady. Osy maqsatqa qol jetkizý úshin kelesi mindetterdi sheshý qajet: qazaqstandyq taýarlardy syrtqy naryqtarǵa shyǵarý, ındýstrııalandyrýdy tereńdetý, negizgi salalardy nyǵaıtý. Indýstrııalandyrý saıasaty sabaqtastyqty saqtap, óńdeý ónerkásibin damytýǵa baǵyttalatyn bolady.
Sondaı-aq, otyrysqa salalyq qaýymdastyqtardyń ókilderi qatysty.
