Is-shara eki eldiń jastar uıymdary arasynda ózara qarym-qatynasty kúsheıtý, tájirıbe almasý, sondaı-aq áleýmettik mańyzy bar jobalardy júzege asyrý salasynda yntymaqtastyqty talqylaý maqsatynda ótkizildi. Forým qatysýshylaryna alǵy sóz sóılegender qatarynda Qazaqstan Respýblıkasy Qoǵamdyq damý mınıstrliginiń Jastar jáne otbasy isteri komıteti tóraǵasynyń mindetin atqarýshy A. Oralov, Jastar isteri jónindegi Federaldy agenttiginiń halyqaralyq qyzmeti bóliminiń bastyǵy D. Ivanov, Almatydaǵy Reseı Federasııasynyń Bas konsýldyǵynyń basshysy S. Semenov boldy.
A. Oralov óz sózinde Reseı men Qazaqstannyń odan ári strategııalyq damýy aıasynda memlekettik jastar saıasatynyń mańyzdy oryn alatynyn atap ótti. «Jastardy qalyptasý jáne damý kezeńinde qoldaý, jas urpaqtyń qoǵamǵa kirigýine jaǵdaı jasaý – mańyzdy memlekettik mindet. Zamanaýı ekonomıkalyq jáne saıası jaǵdaılar elimizdiń jastaryna ózderiniń tıimdi bastamalary men shyǵarmashylyǵyn júzege asyrýǵa múmkindik týǵyzdy. Jastar saıasaty men azamattyq qoǵamdy damytýdaǵy volonterlerdiń úlesin atap aıtqan jón, sondaı-aq áriptesterimdi Reseıdegi erikti jylymen quttyqtaǵym keledi», - dedi A. Oralov.
Sonymen qatar, Jastar jáne otbasy isteri komıteti tóraǵasynyń mindetin atqarýshy qatysýshylardy eki jaqty yntmaqtastyqty damytý boıynsha júrgizilip jatqan jumyspen tanystyryp ótti.
«Jergilikti atqarýshy organdar deńgeıinde ózara is-qımyldyń tıimdi úlgileri bar. Qazaqstanmen shekaralas oblystarda jastar forýmdary, sletter, konferensııalar ótkiziledi. Jetekshi respýblıkalyq jastar uıymdarynyń Reseılik jastar odaǵymen, Jas ulanmen, Jastar qoǵamdyq palatasymen, Reseılik stýdenttik jasaqtarmen ózara qarym-qatynas ornatylǵan», - dep aıtty A. Oralov.
Is-shara barysynda jastar uıymdary ókilderi, volonterler, jas mamandar, stýdentter qatarynan qatysýshylar jobalarmen tanystyryp, týrızm, volonterlik, jastar kásipkerligi salalaryndaǵy tájirıbesimen bólisti.
«Jastar» ǵylymı-zertteý ortalyǵynyń dırektory T. Qalıev jáne Postkeńestik keńistikte qoǵamdyq-saıası úrdisterdi zerdeleý jónindegi aqparattyq-taldamalyq ortalyǵynyń bas dırektory D. Chıjova yntymaqtastyqty damytý perspektıvalary jóninde usynystaryn aıtty.
Sondaı-aq, is-shara aıasynda Qazaqstan jáne Reseı jastar uıymdarynyń: Qazaqstan jastarynyń Kongresi, Jastardyń iskerler keńesi Reseı Federasııasynyń Jastar úkimetteri qaýymdastyǵymen jáne Tatarstan Respýblıkasynyń Jastar úkimeti arasyndaǵy yntymaqtastyq týraly memorandýmdarǵa qol qoıý rásimi ótti.
Reseı Federasııasy delegasııasynyń quramynda 36 adam – memlekettik organdar men jastar uıymdarynyń ókilderi, volonterler, jastarmen jumys isteıtin mamandar, jas kásipkerler, stýdentter bar. TMD-ǵa qatysýshy memleketterdiń jastar forýmy 2018 jyldyń 14 qyrkúıegine deıin jalǵasady.
