Túrik kapıtalynyń qatysýymen jobalar, ásirese, el ekonomıkasynyń shıkizattyq emes sektoryn damytýǵa baǵyttaldy. Budan basqa olar 3000-nan astam jumys ornymen qamtamasyz etedi.
«Búginde Túrkııa sheteldik qatysýmen kompanııa sany boıynsha ekinshi oryndy ıelenedi. Bizdiń elde túrik kompanııalarynyń qatysýyn keńeıtý elder arasyndaǵy kapıtal, úzdik praktıka jáne tehnologııalarmen almasýǵa yqpal etetin negizgi faktorlardyń biri bolyp tabylady», - dep atap ótti Qazaqstandyq-túriktik ınvestısııalyq forýmdy ashqan QR Premer-Mınıstriniń Birinshi orynbasary A. Mamın.
Qazaqstandyq jáne túriktik kompanııalar jalpy somasy shamamen $1,7 mlrd. 22 kommersııalyq qujatqa qol qoıdy. Qujattar túrli ınvestısııalyq jobalardy iske asyrýdy qamtamasyz etýge baǵyttaldy. Sonymen, mysaly Jambyl oblysynda jalpy somasy $270 mln. bolatyn, 350 jumys ornyn qura otyryp, metallýrgııalyq, hımııalyq jáne shyny ónerkásipterinde paıdlanylatyn kalsıı qosylǵan soda óndiretin zaýyt salý josparlandy.
Kazakh Invest jáne Eksen Group qol jetkizgen ýaǵdalastyqtaryna sáıkes túrik ınvestorlary Almaty qalasynda quny $300 mln. bolatyn jańa Downtown Almaty qarjylyq, áleýmettik, bıznes-ortalyǵyn salýdy josparlaýda. Downtown Almaty-da bıznes ortalyqtar, JW Marriot qonaqúıi men lıýks synypty apartamenttner ornalastyrylady.
Túrkistan oblysynyń ákimdigi jáne DAL Holding 700 jumys ornyn qura otyryp, quny $200 mln bolatyn jylytý keshenin salý jobasyn iske asyrý týraly kelisimge qol qoıdy.
Qazir Qazaqstanda Yildizlar SSS Holding, DAL Holding, Zorlu Holding, Calik Holding, Oyak Holding, Enprode jáne t.b. sııaqty iri túrik kompanııalarynyń qatysýymen jańa iri jobalar iske asyrylýda.
Bul qazaqstandyq ekonomıka úshin basym salalarda jumys isteıtin jańa túriktiń TNK múddeliliginiń artqanyn kórsetedi. «Biz iri túrik holdıngteriniń qazaqstandyq naryqqa qatysýyn keńeıtý trendin nyǵaıtý týraly aıta alamyz. Eger budan buryn túrik ınvestorlary kelgen dástúrli salalar qonaqúı bıznesi, shaǵyn jáne orta bıznes deńgeıinde qurylys materıaldaryn shyǵarý sanalsa, endi búgin iri túrik kompanııalary TMK, aýyl sharýashylyǵy, agrohımııa, metallýrgııa, óńdeýshi ónerkásip jáne t.b. sııaqty jańa salalardy ashýda», - dedi «Kazakh Invest» AQ Basqarmasynyń tóraǵasy S. Tqıaqbaev.
«IDA Holdıng» Basqarmasynyń Tóraǵasy H.Arslan túrik ınvestorlary saıası turaqtylyq, qolaıly ınvestısııalyq klımat, Eýrazııalyq ekonomıkalyq odaq, Ortalyq Azııa, Batys Qytaı naryqtaryna ashylyp jatqan joldyń arqasynda óz óndiristerin keńeıtýge múddeli ekenin atap ótti.
Zańnamany turaqty jetildirý jáne memlekettik-jeke áriptestik, «Astana» halyqaralyq qarjy ortalyǵy sııaqty jańa ınvestısııalaý tetikterin engizýdiń mańyzy zor.
«Nurly jer», «Nurly jol» ındýstrıaldyq ınnovasııalyq damý memlekettik baǵdarlamalary aıasynda asa qyzyqty múmkindikter ashylýda, - degen oıymen bólisti H. Arslan Forým aıasynda. - ol qazaqstandyq jáne túriktik memlekettik organdar, iskerlik ortalar, ulttyq jáne jeke kompanııalardy jaqyndatý, ózara tıimdi ýaǵdalastyqtarǵa qol jetkizý jáne kelissózder júrgizý úshin dıalogtyq alań berýge shaqyrady.
Qazaqstandyq-túriktik ınvestısııalyq forýmdy Túrkııadaǵy QR Elshiliginiń qoldaýymen Kazakh Invest uıymdastyrdy. Is-sharaǵa QR Premer-Mınıstriniń Birinshi orynbasary Asqar Mamın, TR Energetıka jáne tabıǵı resýrstar mınıstri Fatıx Donmez, «Samuryq Qazyna» QÁQ» AQ Basqarmasynyń tóraǵasy Ahmetjan Esimov, «Atameken»QR UKP basqarmasynyń tóraǵasy Abylaı Myrzahmetov, Investısııa jáne damý mınıstri J. Qasymbek, «Kazakh Invest» UK basqarmasynyń tóraǵasy Saparbek Tuıaqbaev, sondaı-aq 200-den astam qazaqstandyq-túriktik kompanııalar ókilderi qatysty.
