«Silk Way Series Astana» - CL2 deńgeıindegi jarys. Munda veloshabandozdarǵa Álem kýbogynyń kezeńinde óner kórsetýge quqyq beretin joldamaǵa saı upaılar beriledi.
Skretch básekesinde altyn medaldi armenııalyq Edgar Stepanıan jeńdi.
«Bul meniń Astanaǵa ekinshi márte kelýim. О́tken joly men jasóspirimder arasyndaǵy álem chempıonatyna kelgen edim, - deıdi Edgar Stepanıan. – О́tken jyly da jarystyń uıymdastyrylýy keremet boldy. Munda ózimdi úıdegideı sezinemin. Sonymen qatar, maǵan qoldaý bildirýge kelgen osyndaǵy Armenııanyń elshiligine de alǵysymdy bildiremin. Olardyń qoldaýy men úshin mańyzdy boldy. Sebebi men jalǵyz kelgen edim. Jankúıerlerdiń qoldaýy jeńiske jetýge septigin tıgizgeni anyq».
Skretchte ekinshi oryndy reseılik Mamyr Stash jeńse, úshinshi oryn qazaqstandyq Ǵabıden Ázenge buıyrdy.
Mamyr Stash sonymen birge omnıým jarysyn jeńdi.
«Jarys men úshin jaqsy ótti. Uıymdastyrýshylarǵa alǵysymdy bildiremin, - dedi Mamyr Stash. – Básekelesterimniń bári myqty boldy. Biraq men olardan sál myqtyraq boldym. Álem kýbogy úshin upaı jınaýǵa kelgen edim. Endi aldaǵy ýaqytta Germanııa men Ulybrıtanııadaǵy eki birdeı kezeńge qatyssam deımin. Astanada birinshi ret bolýym. Buǵan deıin Almatyda bolǵam. Onda men «Almaty Týry» jarysyna qatysqanmyn. Astanadaǵy trek qatty unap qaldy».
Omnıýmda kúmis medaldi Edgar Stepanıan, qolany Ázen Gabıden jeńdi. Al jekeleı sprınttegi medaldardyń eki altyny da jarys ıelerine buıyrdy. Sprıntte qazaqstandyq shabandoz Pavel Vorjev úzdik atandy.
«Kúni boıy jarysyp, aýyr jarys ótkizdik, - deıdi Pavel Vojev. – Dál osy jarysqa maqsatty túrde daıyndalǵanym joq. Azııa oıyndarynan keıin demalyp jatqan edim. Qazirgi babyma qarap aıtsam, kórsetken nátıjeme dán rızamyn. Básekelester myqty eken. Mysaly Álem kýbogynda jarysyp júrgen Dýbchenko osal emes. Nosov bolsa Lıtvada keremet kórsetkish tirkegen. О́zderiniń aıtýynsha Týladaǵy jaǵdaı úshin kek alamyz dep kelipti. Týlada men olardy jeńip ketken edim. Endi olar meniń elime kelip jeńispen toılatqysy keldi (kúlip). Jaraqat alǵannan ke ıin ózimdi endi-endi jaqsy sezine bastaǵandaımyn.
Aıta keteıik, Pavel Vorjev Qytaı kýbogy jarysynda aýyr jaraqat alyp edi. Sprınttegi ekinshi oryndy reseılik Alekseı Nosov alsa, úshinshi oryn qazaqstandyq Sergeı Ponomarevke buıyrdy. Keırın saıysynda Sergeı Ponomarev aldyna jan salmady.
«Básekelestik myqty bolyp, jarys tamasha ótti, - dep atap ótti Sergeı Ponomarev. – Keler jyly jarys dárejesi taǵy bir joǵary satyǵa kóteriledi dep oılaımyn. Negizigi maqsatymyz aldaǵy ýaqytta ótetin Álem Kýbogine upaı jınaý bolatyn. Irikteýge sál ǵana jetpeı qaldy. Sprıntte irikteýge iliktim, al endi keırınnen de óttim. Álem Kýbogindegi negizgi maqsatym 2020-jyly ótetin Olımpıdaǵa upaı jınaý. Barlyǵy qolymnan keletinine senimdimin».
Keırın saıysy boıynshy Pavel Vorjev ekinshi, reseılik Aleksandr Dýbchenko úshinshi oryndy ıemdendi.
«Astanada ótken Silk Way Series jarysy biz úshin óte mańyzdy, - dedi velotrektegi sprınt saıysy boıynsha ulttyq quramanyń bapkeri Valentın Savıskıı. – Sońǵy reıtıngtik upaılardy halyqaralyq reıtıngtiń jabylýy aldynda ıemdengen Sergeı Ponamorov Álem Kýboginiń kezeńderine qatysatyn boldy. Qazirgi tańda shabandozdar arasynda Álem Kýbogine qatysatyn eki velesebedshi bar. Olar Pavel Vorjev pen Sergeı Ponomarev. Iemdengenimiz ulttyq kvotalar bolyp tabylady. Endi bizde sprıntten jáne keırınnen ıemdengen eki kvota bar».
