Maınıngtik jáshikter men basqarý beketindegi elektrlik esepteýishterdiń jumysyn baǵalaǵan Premer-Mınıstrge «BNKA Enerdjı» JShS-niń tehnıkalyq dırektory J. Áldebergenov data-ortalyqtyń bar múmkindigin kórsetip, atqarylyp jatqan jumys pen alǵa qoıǵan maqsat týraly baıandap berdi. Joba birneshe kezeńmen júzege asyrylyp jatyr. Alǵashqysy 6 tamyzda jumysyn bastaǵan, qazir kompanııa 4 MVt elektr energııasyn tutynady.
Jospar boıynsha 20 qyrkúıekte qosylatyn kelesi kompanııada bul kórsetkish 11 MVt deıin artpaq. Odan keıingi beles 10 qarashada 18 MVt kórsetkishimen baǵyndyrylmaq. Jyl sońynda «BNKA Enerdjı» JShS 33 MVt tutynýdy josparlap otyr.
Qazaqstandyq kompanııa maınıngtik fermalarǵa hostıng qyzmetin usynýmen de aınalysady. Bul qyzmet ishine maınıng qurylǵylaryn ornatý, qural-jabdyqty baqylaý jáne saraptaý, úzdiksiz elektr energııasy men ınternet jelisimen qamtamasyz etý jumysy kiredi. Qazirgi ýaqytta atalmysh kompanııa osy saladaǵy aldyńǵy azýly kásiporyndarynyń qatarynda. Ortalyqtyń dál osy óńirde ashylýyna elekt qýatynyń artylýy men tarıfiniń tómendigi, kásibı deńgeıi joǵary mamandardyń bolýy sebep bolǵan. Endi iri maınıngtik fermalar men kompanııalar tartylsa, Pavlodar aımaǵy elimizdegi blokcheın-tehnologııalardy qoldanatyn aldyńǵy qatarly ortalyqqa aınalary sózsiz.
Búginde quny 5,7 mlrd tg turatyn ortalyqta 16 adam jumys isteıdi. Joba aıaqtalǵannan keıin 60-qa jýyq jumys orny qurylady. Toqsan saıyn mamandar Qytaıǵa biliktilikti arttyrý úshin maınıng-jabdyqtar shyǵarylatyn zaýytqa jiberiledi. Ol jaqta mamandar jabdyqtardy qalaı jóndep, olarmen qalaı jumys isteý kerek ekenin úırenedi.
Eske sala keteıik, 2017 jylǵy maýsym aıynda QR Prezıdenti Nursultan Nazarbaev H Astana ekonomıkalyq forýmynda sóılegen sózinde álemdik valıýta qurý máselesin kótergen edi. Sol kezde Memleket basshysy álemdik qarjy arhıtektýrasyn túrlendirý qajettigi týyndaǵanyn, halyqaralyq esep aıyrysý-tólem birligin engizý máselesin muqııat qaraıtyn ýaqyttyń jetkinin aıtty. Bul álemdi valıýta soǵystarynan, alyp-satarlyqtan aryltyp, saýda qatynastarynda qatelikterge jol bermeýge múmkindik berer edi. Oǵan qosa valıýta óziniń tutynýshylaryna baǵynyńqy emıssııanyń qarapaıym, aıqyn tetigine ıe bolýy kerek.
