Festıvalǵa qatysqan oblys ákiminiń orynbasary Dáýren Jandarbek jınalǵandardy aıtýly sharanyń ashylýymen quttyqtady. Memlekettik tildi damytýǵa jáne nasıhattaýǵa eleýli qosqan bir top til janashyrlaryna Mádenıet jáne sport mınıstrliginiń, Til saıasaty komıtetiniń Qurmet gramotasy,aımaq basshysynyń Qurmet gramotasy men Alǵys haty tabystaldy. Jeti atalym boıynsha jeńimpaz atanǵan ujymdar marapattaldy.
Qazaqstan halqy tilderi festıvaline óńirimizdiń barlyq oblystarynan jáne Almaty, Astana qalalarynan Abaı atyndaǵy kórkemsóz oqý sheberleriniń jeńimpazdary kelip, baıqaýdyń birinshi kezeńinde qazaqtyń belgili jazýshylarynyń prozalyq shyǵarmalarynan úzindiler oqydy. Ekinshi kezeń bıyl 125 jyldyǵy túrki áleminde keń kólemde atap ótilgen jyr paıǵambary Maǵjan Jumabaevtyń óleńderin mánerlep oqýǵa arnaldy.
Belgili qoǵam qaıretkeri Aldan Smaıyl bastaǵan qazylar alqasy Shyǵys Qazaqstan oblysynyń ókili Saıa Bekbosynova bas júldege laıyq dep sheshti. Birinshi oryndy aqtóbelik Altyn Qojanova, ekinshi oryndy elordalyq О́mirbekova Qulpynaı, úshinshi oryndy pavlodarlyq Erkejan Tóleýbek pen petropavldyq Janarbek Sekel ıelendi.
Jeńimpazdar men júldegerler arnaıy dıplomdarǵa, alǵys hattarǵa jáne aqshalaı syıaqyǵa ıe boldy.
О́mir ESQALI,
«Egemen Qazaqstan»
Soltústik Qazaqstan oblysy
