Osy ýaqyt ýaqyt aralyǵynda 150 myńǵa jýyq qundy jádigerlermen tolyqtyrylyp, ádistemelik, ǵylymı-zertteý baǵyttary boıynsha keshendi jumystar atqarylyp keledi. Kóz maıyn taýysyp, tirnektep jınalǵan eksponattardyń birqatary soltústikqazaqstandyqtardyń nazaryna usynylyp, ótken ǵasyrlar qoınaýyna saıahat jasap qaıtqandaı úlken áser aldy. Mýzeıdiń «О́lkeniń ejelgi tarıhy», «О́tkenniń tylsym tirshiligi», «Týǵan jer tarıhy», «О́lke halyqtarynyń mádenıeti men turmysy», «Qostanaı oblysynyń tabıǵat baılyqtary» sekildi arheologııalyq, paleontologııalyq, osy zamanǵy taǵy basqa zaldar óńirdiń shejireli tarıhynan tereń syr shertedi.
«Jasyratyny joq, búgingi jastar ózderi turatyn óńirdiń tarıhı-mádenı muralary jaıly tarata aıtqanymen, ózge aımaqtar týraly bileri az. Osy oraıda «Rýhanı qazyna» baǵdarlamasy aıasynda uıymdastyrylyp, bir aıǵa sozylatyn kóshpeli kórme osy olqylyqtyń ornyn toltyryp, jas býynǵa berer tárbıesi zor bolmaq. Elbasymyz baǵdarlamalyq maqalasynda atap kórsetkendeı babalarymyz ǵasyrlar boıy ushqan qustyń qanaty talyp, júgirgen ańnyń tuıaǵy tozatyn ulan-ǵaıyr aımaqty ulttyń bolashaǵy, keler urpaq úshin qorǵap, mıras etti. Olaı bolsa, Qazaqstannyń ár túkpiri– bárimiz úshin ystyq, kıeli atamekenimiz. Qostanaı–tas, qola, temir dáýirlerine jatatyn arheologııalyq eskertkishterimen, tabıǵat landshaftarymen, ken, qazba baılyqtarymen erekshelenetin oblys ,–deıdi meımandar.
Kórmege qazaq halqyn oqý-bilimge shaqyrǵan Ybyraı Altynsarınniń 1884 jyly jaryq kórgen «Qazaq hrestomatııasynyń» túnnusqasy qoıylypty. Babamyz atyndaǵy memorıaldyq mýzeıdiń dırektory Marǵulan Ospanovtyń aıtýynsha saýatsyzdyqty joıý maqsatymen qazaq saharasynda tuńǵysh ret dala qońyraýyn soǵyp, mektep ashqan ult ustazy, otbasy, áýleti tutynǵan turmystyq zattar, mańyzdy qujattar, fotolar asa qundy jádigerler sanalady. 1991 jyly turǵyzylǵan memorıaldyq mýzeı qorynda búginde 12 myńnan astam eksponat bar.
Kóshpeli kórme dástúrli murajaı isin jańǵyrtý, sıfrlyq júıege kóshý, eski qujattardy qalpyna keltirý, ǵylymı jumystardy birizdilendirý sharalary júıelilikpen júrgizilip, jańasha ádisterdiń keńinen qoldanylatynyn da aıqyn baıqatty.
О́mir ESQALI,
«Egemen Qazaqstan»
Soltústik Qazaqstan oblysy
