Sonymen qatar, Ortalyq kommýnıkasııalar qyzmetiniń alańynda Densaýlyq saqtaý mınıstri Eljan Birtanovtyń, DDU Bas dırektorynyń kómekshisi Naoko Iаmamoto men IýNISEF Atqarýshy dırektorynyń jahandyq baǵdarlamalar jónindegi orynbasary Ted Chaıbannyń qatysýymen baspasóz konferensııasy ótti.
MSAK jónindegi Jahandyq konferensııany úsh tarap: Dúnıejúzilik densaýlyq saqtaý uıymy, BUU balalar qory (IýNISEF) jáne Qazaqstannyń Úkimeti uıymdastyryp otyr. Oǵan DDU múshe 100 asa elden delegasııa shaqyrylǵan, olardyń delegasııasy quramyna densaýlyq saqtaý mınıstrleri, álemge tanymal sarapshylar, mesenattar men spıkerler, negizgi úkimettik emes uıymdar, sondaı-aq BUU agenttikteriniń birinshi basshylary kiredi.
«1978 jyly Almaty Deklarasııasy barshanyń densaýlyǵyna qol jetkizýdiń negizgi strategııasy retinde medısınalyq-sanıtarııalyq alǵashqy kómekti nasıhattaıtyn alǵashqy halyqaralyq deklarasııa bolyp tanyldy. Odan keıingi densaýlyqty nyǵaıtý, densaýlyqtyń áleýmettik determınattary jáne jalpyǵa birdeı densaýlyq sııaqty basqa da mańyzdy qozǵalystar Almaty deklarasııasynyń biregeı qaǵıdattary men qundylyqtary – ádilettik, yntymaqtastyq, áleýmettik ádilettikke negizdelgen» - dep atap ótti DDU Bas dırektorynyń kómekshisi Naoko Iаmamoto óz sózinde.
Aldaǵy konferensııa densaýlyqty saqtaýdyń bastapqy býynynyń halyqtyń densaýlyǵyn qoldaýdaǵy mańyzdylyǵy men mánin taǵyda atap ótpek. Oǵan shamamen 1200 qatysýshy keledi dep kútilýde, olardyń ishinde 800-in sheteldik qonaqtar quraıtyn bolady.
Astanada álemniń barlyq eli DDU-nyń MSAK jónindegi jańa deklarasııasyn qabyldaıdy, ol álemdegi bastapqy densaýlyq saqtaýdy odan ári damytý baǵyttaryn anyqtaıdy. Konferensııa kezinde joǵary deńgeıdegi 6 plenarlyq otyrys, 18 qatar ótetin sessııa ótkizý josparlanýda.
Konferensııanyń birinshi kúni saıası kóshbasshylardyń densaýlyqty medısınalyq-sanıtarııalyq alǵashqy kómek arqyly saqtaýǵa adaldyǵyn atap ótý úshin konferensııaǵa shaqyrylǵan Memleket basshylarymen kezdesý ótkiziletin bolady.
«Bul jaı ǵana konferensııa emes. Bul jerde konferensııadan keıin kóptegen jyldar boıy búkil álemde turaqty negizde kúshti, ádil medısınalyq-sanıtarııalyq alǵashqy kómektiń adaldyǵyn qamtamasyz etetini jáne eshkimdi medısınadaǵy birinshi býyn - medısınalyq kómek arqyly nazardan tys qaldyrmaýdy qamtamasyz etetini týraly sóz qozǵalyp otyr» - dep túsindirdi Eljan Birtanov.
Naoko Iаmamotonyń aıtýynsha qazaqstandyq medıkter barshanyń densaýlyqqa qol jetkizýi jolyndaǵy qozǵalysty damytýǵa qarqyndy qadam jasaǵanyn atap ótý mańyzdy, bul densaýlyq saqtaý qyzmetterimen barshany túgel qamtý úshin negiz bolyp tabylady jáne aldaǵy jyldardaǵy is-áreketterdiń, nasıhattaýdyń negizin qalaıdy.
Konferensııada MSAK-tyń basqa qyzmettermen ıntegrasııasynyń róli, adamı resýrstar men kadrdy josparlaýdyń róli, MSAK-tyńsozylmaly ınfeksııalyq aýrýlardy basqarýdaǵy róli, álemdegi mıkropqa qarsy rezıstenttik problemasy, densaýlyq saqtaýdaǵy aqparattyq júıelerdiń, sıfrlandyrýdyń jáne ınnovasııanyń róli, MSAK-tyń halyqtyń egde tartqan býynymen jumysynyń róli sııaqty jáne basqa da máselelerdiń talqylanatynyn atap ótý qajet.
