Tóraǵa Qazaqstandaǵy jumysynyń bastalýymen quttyqtap, elshige tilektestigin bildirdi. Sonymen qatar, dıplomatııalyq qyzmeti ekijaqty yntymaqtastyqtaǵy mańyzdy mejege tuspa-tus kelgenin – eki eldiń arasyndaǵy dıplomatııalyq qatynastar ornaǵanyna 25 jyl tolǵaly otyrǵanyn atap ótti. «Bul jyldar ishinde bizdiń elderimiz arasyndaǵy qatynastar, onyń ishinde joǵary deńgeıdegi saparlar almasýdyń arqasynda dostyq baılanystar eleýli túrde nyǵaıdy», - dedi Qasym-Jomart Toqaev.
Áńgime barysynda Qazaqstan men Brazılııanyń ózara parlamentaralyq is-qımylyn, onyń ishinde parlamentaralyq uıymdar aıasyndaǵy yntymaqtastyqty odan ári belsendi júrgizýge múddelilik bildirildi. Q.Toqaevtyń aıtýynsha, saýda-ekonomıkalyq jáne saıası yntymaqtastyqty óristetý úshin eleýli múmkindikter bar. Bul turǵyda Brazılııa syrtqy ister mınıstriniń aldaǵy saparynyń mańyzy zor bolǵaly tur. «Bul ekijaqty qatynastarda mańyzy zor oqıǵa, bul sapar bizdiń elderimizdiń yntymaqtastyǵyna salmaqty serpin beredi», - dedi Senat Tóraǵasy.
