«Ǵabıt Jaqypbaıuly Baıjanov Qazaqstan Respýblıkasy Prezıdentiniń kómekshisi - Qaýipsizdik Keńesiniń hatshysy bolyp taǵaıyndalsyn, ol Qazaqstan Respýblıkasy «Syrbar» Syrtqy barlaý qyzmetiniń dırektory qyzmetinen bosatylsyn», - delingen Memleket basshysy Nursultan Nazarbaevtyń Jarlyǵynda.
Sondaı-aq Memleket basshysynyń Jarlyǵymen Marat Ersaıynuly Shaıhýtdınov Qazaqstan Respýblıkasy Prezıdentiniń kómekshisi - Qaýipsizdik Keńesiniń hatshysy mindetin ýaqytsha atqarýdan bosatyldy.
Ǵabıt Baıjanov 1963 jyly týǵan. Ulttyq qaýipsizdik komıteti «Barlaý» qyzmeti dırektorynyń orynbasary (2007 jyl);
«Syrbar» syrtqy barlaý qyzmeti dırektorynyń birinshi orynbasary (2009-24.02.2015);
«Syrbar» syrtqy barlaý qyzmetiniń dırektory (24.02.2015 jyldan bastap, 04.05.2015 jyly qaıta taǵaıyndaldy) bolyp eńbek etken.
Sońǵy laýazymy - «Syrbar» syrtqy barlaý qyzmetiniń dırektory. II dárejeli «Dańq» ordenimen marapattalǵan.
General-maıor (05.05.2010), syrtqy barlaýdyń general-leıtenanty (03.05.2018) shenderine ıe.
