«Qyrkúıek aıynda 17 myń jolaýshy jol júrý aqysyn sms nemese QR-kodtar arqyly tólep úlgergen. Adamdar kólik kartalaryna aqsha salyp, keıde tólemdi jyldam engize almaıtyn kezder bolady. 180 teńge tólemes úshin SMS nemese QR-kod arqyly tólem júrgizý jolyn engizdik. Adamdar jol aqysyn tóleýdiń osy túrin qazir jıi paıdalana bastady», - dedi uıymnyń baspasóz hatshysy Naýat Azanbaeva.
Eske sala ketsek, qoǵamdyq kólikterdegi jol aqysyn tóleýdiń bul joldary 2017 jyldyń qyrkúıek aıynda engizilgen bolatyn. Jolaqyny QR-kodpen tóleý «SMSBus Jolaýshy», «Moı Beeline» (eger Beeline abonenti bolsańyz), Homebank (eger sizde Halyk Bank jáne Qazkom kartalary bolsa) mobıldi qosymshalary arqyly júrgiziledi.
Buǵan deıin N. Azanbaeva málim etkendeı, Homebank arqyly tólegende aqsha sizdiń telefon teńgerimińizden nemese bank kartańyzdan alynady. Al «Moı Beeline» qosymshasynda - nómirińizdiń balansynan alynady. Tele2 jáne Altel abonentteri Halyk Bank (Qazkom) klıentteri bolǵan jaǵdaıda Homebank qosymshasyn qoldana alady.
