Otyrys barysynda Ulttyq ınvestısııalyq strategııany iske asyrý jáne elimizdegi ınvestısııalyq ahýaldy odan ári jaqsartý máseleleri qaraldy. Atap aıtqanda, Investısııalar jáne damý mınıstrliginiń ınvestısııalar salasyndaǵy úsh tildi normalardy shyǵarý qyzmetine kóshýge, ınvestorlardy memlekettik qoldaýdyń qoldanystaǵy sharalaryn jetildirý men ońtaılandyrýǵa, ınvestısııalyq ombýdsmen qyzmetiniń tıimdiligine keshendi zertteý júrgizýge, Qazaqstanda ınvestorlardyń quqyqtaryn qorǵaýdyń ınstıtýsıonaldyq tetikteri men saıasatyn iske asyrýǵa qatysty tásilderi, sondaı-aq, ınvestorlardyń quqyqtaryn qorǵaýdy jetildirý men halyqaralyq saýda-sattyq jaǵdaılaryn jaqsartý men logıstıkalyq ınfraqurylymdy jańǵyrtý jónindegi usynystar qaraldy.
Sharaǵa ortalyq memlekettik organdardyń ókilderi, sonymen qatar, beınekonferensııa baılanysy rejıminde birqatar óńirler men respýblıkalyq mańyzdaǵy qalalardyń ákimderi qatysty.
QR Premer-Mınıstri Baqytjan Saǵyntaev keńes qorytyndysy boıynsha óńirler ákimderiniń tarapynan ınvestısııalyq jobalar boıynsha aıtylǵan usynystardy pysyqtaýdy tapsyrdy.
Baqylaý jumystary QR Premer-Mınıstriniń birinshi orynbasary A. Mamınge júkteldi.
