Bul kezdesý óte shıelenisti ótti. Birinshi kezeńde esep ashylǵan joq. Úzilisten keıin kanadalyq legıoner Mettıý Frettın «Barysty» alǵa shyǵarsa, kóp uzamaı Ilıa Nıkýlın tarazy basyn teńestirdi. Úshinshi kezeńdi aıdyn ıeleri ekpindi shabýyldarmen bastady. Nátıjesinde básekeniń 47 mınýtynda Iýýso Hıetanen nysanany dál kózdep, «Megasport» keshenine jınalǵan kórermenderdi bir qýantyp tastady. Alaıda astanalyqtar da qarap qalǵan joq. 53 mınýtta qorǵaýshy Kevın Dallmen óz múmkindigin múlt jibermedi. Negizgi ýaqytta jeńimpaz anyqtalmaǵannan soń kezdesý overtaımǵa ulasty. Bul rette jerlesterimizdiń joly boldy. 64 mınýtta Mettıý Frettın taǵy da mergendik tanytyp, óz komandasyna jeńis syılady.
Qazirgi kezde QHL-dyń turaqty birinshiliginde «Barys» 11 orynda keledi. Osy kúnge deıin 9 kezdesý ótkizip úlgergen astanalyq klýbtyń enshisinde 11 upaı bar.
Ǵalym SÚLEIMEN,
«Egemen Qazaqstan»
