Onyń aıtýy boıynsha óńirdegi aýyl sharýashylyǵy daqyldarynyń jalpy egistik alqaby 758,4 myń ga jerdi qurady, onyń ishinde dándi daqyldar – 443,7 myń ga, maıly daqyldar - 50 myń ga, mal azyǵy – 253 myń ga, kartop - 6,2 myń ga, kókónis pen baqsha daqyldary - 5,5 myń ga quraıdy.
О́nimniń jalpy qurylymyn ártaraptandyrý esebin 2017 jylmen salystyrǵanda dándi daqyldar úlesi 59,4% - dan 58,5% - ǵa deıin tómendedi, jemshóp 32,6% - dan 33,4% - ǵa deıin al, maıly daqyldar 6,3% - dan 6,6% - ǵa ósti.
«Qazirgi ýaqytta dándi daqyldardyń 89 % jınaldy. Ortasha ónimdilik gektaryna 10,3 sentnerden, jalpy ónim 404 myń tonnany qurady. Bıdaı 261 myń gektar jerden, qysqy dándi daqyldar - 6 myń gektar, arpa 115,2 myń gektardan jınaldy. Aqtóbe qalasy men Temir, Oıyl, Qobda, Mártók, Muǵaljar aýdandarynda egin jınaý jumystary aıaqtaldy. Joǵary ónimdilik Temir, Muǵaljar, Mártók jáne Hromtaý aýdandarynda baıqalady. Qyrkúıek aıynyń aıaǵyna deıin barlyq jumysty aıaqtaýdy josparlap otyrmyz »,- dedi basqarma basshysy.
Sondaı-aq, 2018-2019 jyldarǵa 2,4 mln.tonna kóleminde shóp qory daıyndaldy.
Aıta keteıik, oblysta jańa ónim astyǵyn qabyldaý úshin syıymdylyǵy 368 myń tonna bolatyn 6 lısenzııalanǵan elevator jumys isteıdi, sonymen qatar,qýattylyǵy 123,4 myń tonna bolatyn 184 astyq qoıma bar. Jumystardy júrgizýge 1181 kombaın, 1454 júk kóligi men 118 mehanıkalandyrylǵan tok jumyldyryldy.
О́ńirdiń 2018 jyly dızeldik otynǵa degen qajettiligi 8,5 myń tonnany quraıdy, onyń ishinde 3,6 myń tonnasy arzandatylǵan otyn túrinde tasymaldandy.
