Bul sheshimdi bilim oshaǵynyń basshylyǵy QR Bilim jáne ǵylym mınıstri Erlan Saǵadıevtyń Aısholpanǵa «qalaǵan otandyq oqý ornyna túsýge qoldaý kórsetiledi» degen usynysyna baılanysty qabyldady. Qazaqtyń atyn álem elderine pash etken qandasymyzdy Atamekenge oralǵan sátinde ystyq yqylaspen qarsy alyp, joǵary bilim alýyna jan-jaqty jaǵdaı jasaý qajet, degen nıette bilim ordasynyń basshylyǵy.
Qazaq halqynyń qusbegilik ónerin álemdik arenada keńinen nasıhattap, otandyq etnomádenıetke eleýli úles qosqan úshin qandasymyz Aısholpan Nurǵaıypqa SDÝ ýnıversıtetiniń 100 paıyzdyq grantyn taǵaıyndaımyz. Árıne, qandasymyzǵa álemniń úzdik ýnıversıtetteri usynys bildirgeni úlken maqtanysh. Alaıda, atmekendi ańsap kelgen daryndy jastarǵa qoldaý kórsetý, olardyń otanǵa degen súıispenshiligin arttyrý jáne bilimin shyńdap, eline eleýli qyzmet atqaratyn azamat tárbıeleý – basty múddemiz, - degen pikirde SDÝ rektory Qanat Qojahmet.
Aıta ketken jón, Aısholpan týraly ondaǵan fılmder túsirilgen. Búgingi tańda ol Nıý-Iorkte «Azııanyń batyr qyzy» degen maratpatqa ıe. Mońǵolııanyń Baıan-О́lgeı aımaǵynda dúnıege kelgen qazaq qyzynyń qusbegilik óneri jaıly AQSh rejısseri Otto Bell derekti fılminde dáriptep, kúlli álemge pash etken. Qazir 16 jasar boıjetkendi álemniń beldi joǵary oqý oryndary - Garvard pen Oksford bilim alýǵa shaqyrǵan. Alaıda, Aısholpan otandyq oqý ornynda bilimin shyńdaǵysy keledi jáne osy sátte boıjetkenniń bolashaqta jýrnalıst mamandyǵyn tańdaıtyny málim boldy.
