«Astana Media Week» – dástúrli túrde jyl saıyn elimizdiń Aqparat jáne kommýnıkasııalar mınıstrligi uıymdastyratyn Ortalyq Azııa aımaǵyndaǵy keń aýqymdy salalyq is-sharalar serııasy. Sharanyń negizgi maqsaty – otandyq medıasferany damytyp, medıaındýstrııamyzdaǵy iskerlik qarym-qatynastardy jandandyrý. Medıa aptalyqqa qatysýshylar qatary arta túskeni bıyl anyq baıqaldy. Sebebi munda birneshe eldiń jýrnalıstıka maıtalmandary tájirıbesimen bólisip, medıanaryqty damytýǵa qatysty ortaq máselelerdi keńinen talqylaıdy. Bir-birimen baılanystaryn nyǵaıtyp, sapaly ónimderimen almasady. Úsh kún ishinde elimizdiń aıtýly medıa sharasy aıasynda qatysýshylar kommýnıkasııa, medıa-menedjment jáne áleýmettik jeliler boıynsha ótetin sheberlik synyptaryna qatysyp, ózderine qajetti mol aqparatpen sýsyndaıtyn bolady.
Byltyrǵy «Astana Media Week» sheńberinde elimizde alǵash ret kontent-market ótkizilgen bolatyn. Bıyl da sol dástúrden jańylmaı, ashylǵan kontent-market kórmesinde otandyq jáne aımaqtyq 15 telearnanyń tanystyrylym stendi ornatylyp, kópshilik nazaryna usynyldy. Sonymen birge kontent-market kórmesine elimizdiń barlyq óńirlerinen prodakshn-kompanııalar men jetekshi vendıngtik kompanııalar qatysyp, olar jańa telebaǵdarlamalardyń, realıtı-shoýlardyń, mýltfılmderdiń, kórkem fılmder men derekti fılmderdiń tusaýkeseri retinde, ınvestorlar tabý maqsatynda óz jobasyn tanystyrý úshin pıtchıng ótkizdi. Iаǵnı kórme aıasynda qazaqstandyq prodakshn-stýdııalar óz ónimderine ınvestor tabý maqsatynda belsendi jumys atqarýǵa, óz medıa ónimderin shetelge shyǵarýǵa múmkindik aldy.
Sebebi medıa-aptalyq qyzmetine Belarýs, Reseı, Túrkııa jáne О́zbekstan ókilderi qatysýda. Prodakshn-kompanııalar men PR qaýymdastyqtardan arnaıy qatysyp jatqandar otandyq medıanaryq ókilderiniń shyǵarmashylyǵyna qyzyǵýshylyq tanytsa, óz kezeginde bizdiń azamattar sheteldik medıa sferamen baılanysty jańa deńgeıge kóterýge yntalanary anyq. Máselen, forým aıasynda «Qazaqstan» RTRK» AQ men quramyna О́zbekstannyń 20-dan astam úzdik arnalary kiretin О́zbek Ulttyq teleradıokompanııasy arasynda seriktestik jaıly memorandým bekitildi. Memorandým «Qazaqstan» korporasııasynyń medıaaktıvteri men О́zbekstannyń 20-dan asa telearnalary jáne radıolary arasynda erkin formatta birlese otyryp, jumys jasaýǵa múmkindik beredi.
«Astana Media Week» sharasy buqaralyq aqparat quraldaryn, ıaǵnı tek qalam ustaǵan qaýymdy jınap jatqan joq. Atalǵan shara medıa salasyndaǵy, aqparat naryǵyndaǵy ónim shyǵarýǵa atsalysatyn túrli mamandar men bılik ókilderin toǵystyrýda.
Qazaqstannyń sıfrly saýattylyq pen baılanys sapasyn kóterý baǵytynda júrgizip jatqan jumystary sońǵy ýaqytta jańasha óris alǵany belgili. Bul aqparat tutynýshylarynyń talǵamyna usynylatyn medıa ónimniń sapasyn arttyrýǵa mindetteıdi. Túptep kelgende, tańdaýdyń moldyǵy halyqtyń osylaısha ózi qalaıtyn aqparattardy tańdap, oı-órisin keńeıtetini aqıqat. Zamanaýı kontentterdiń kóptigi tutynýshy sanasynyń jańǵyrýyna kómektesse, otandyq prodakshn-kompanııalarǵa medıaındýstrııa alyptarymen tikeleı qarym-qatynas jasap, ınvestorlar tartýyna zor múmkindik beredi. Mine, «Astana Media Week»-tiń kózdep otyrǵan negizgi maqsattarynyń biri osy.
«Qazmedıada» bastalǵan iri medıa sharanyń ashylý saltanatyna Aqparat jáne kommýnıkasııalar mınıstri Dáýren Abaev sheteldik áriptesteri О́zbek Ulttyq teleradıokesheniniń tóraǵasy Álisher Hadjaev pen Túrkııa radıo jáne televızııa korporasııasy basqarma tóraǵasynyń orynbasary Mehmet Iyldyrym, Belarýs Aqparat mınıstriniń birinshi orynbasary Pavel Legkıımen birge qatysty.
Aldymen Aqparat jáne kommýnıkasııalar mınıstri Dáýren Abaev sóz alyp, aımaqtyq iri medıa-aptalyqty saltanatty túrde ashty. «Elbasy Nursultan Nazarbaev otandyq medıa salany damytýǵa árdaıym aıryqsha kóńil bólip otyrady. Osymen ekinshi ret ótip jatqan aýqymy keń shara elimizdiń ǵana emes, aımaqtaǵy medıanaryqty qalyptastyrýǵa, odan ári damytýǵa serpin beredi dep senemin. О́ıtkeni elorda tórinde qazaqstandyq buqaralyq aqparat quraldarynan bólek, sheteldik áriptesterimiz de óz oılaryn ortaǵa salady. Bul sharanyń basty maqsaty – otandyq medıanaryqty jan-jaqty damytý, mádenı-aqparattyq baılanystardy tereńdetý. Baılanysy myqty memlekettiń qorǵanysy da qýatty», degen Dáýren Abaev medıa-aptalyqqa qatysýǵa nıet bildirýshi áriptesterdiń qatary kóbeıip kele jatqanyn jetkizdi.
Ozyq tájirıbelermen tanysý, pikir almasý, shyǵarmashylyq sheberlikterin shyńdaýǵa, jańa tehnologııalardy el ıgiligine jaratý týraly usynystar medıa-aptalyqqa qatysýshylar úshin úlken múmkindik ekenine basymdyq bere sóılegen mınıstr, sharanyń medıa salasynyń kásibı maıtalmandaryn jınap, qoǵamdaǵy máselelerdiń keń aýqymyn talqylaıtyn konstrýktıvti suqbat alańy ekenine toqtaldy.
«Búginde buqaralyq kommýnıkasııa salasy – qoǵamdyq damýdyń mańyzdy quramdas bóliginiń biri. Osy oraıda, sizderdiń tyń, jańa oılaryńyz, ıdeıalaryńyz aqparattyq landshaftty ózgertip qana qoımaı, saıasat pen qarjy, aýyl sharýashylyǵy men sportqa deıingi aralyqtaǵy túrli salalardaǵy prosesterge jańa serpin beredi. Osy turǵydan alǵanda, ózekti máselelerdi keń talqyǵa salý mańyzdylyǵy arta túsedi. Sebebi sol arqyly naqty qalaı, qandaı baǵytta jumys isteý kerektiginiń algorıtmi túziledi. Osy maqsatta medıa-aptalyq jýrnalıster men bılik ókilderin ǵana jınamaı, PR qaýymdastyqtar men sheteldik sarapshy mamandardyń basyn biriktirip otyr. Forým jergilikti BAQ ókilderine de tájirıbe almasý jáne sheberligin shyńdaý úshin taptyrmas tıimdi alańǵa aınalyp otyr», dedi mınıstr.
Budan soń Aqparat jáne kommýnıkasııalar mınıstri sheteldik áriptesterimen birge otandyq prodakshn-kompanııalar men telearnalar usynǵan kontent-marketti aralap, otandyq tanystyrylym stendterin tamashalady.
Úsh kúndik sharanyń jumysyna 2 myńnan asa qonaq qatysady dep kútilýde. Olardyń qatarynda jergilikti jáne sheteldik medıaındýstrııanyń alpystan astam top-menedjeri, ıaǵnı basshylary men elýge jýyq prodakshn-kompanııa ókilderi bar. Medıa-aptalyqtyń úsh kúndik baǵdarlamasy tiziminde kontent-market kórmesinen basqa, aımaqtyq BAQ-tar forýmyn, Astana Digital Forum sharasyn ótkizý jospary bar. Onda medıa salasyndaǵy ózekti taqyryptar talqylanady. Máselen, otandyq medıanaryqty damytý, keleshektiń mamandyǵy, medıa saýattylyq jáne bilim máseleleri kóteriledi.
Al erteń elimizdiń túkpir-túkpirinen kelgen jýrnalıster elordaǵa jınalmaq. Olar «Astana Media Week» sheńberinde О́ńirlik BAQ alıansy uıymdastyratyn aımaqtyq BAQ ókilderiniń forýmyna qatysatyn bolady. Forým baǵdarlamasyna sáıkes mass-medıa jumysyna qatysty zańnamalardy ózgertý, medıa saýattylyqty damytý, medıany sandyq transformasııalaý taqyryptaryna arnalǵan birneshe sessııalar bar.
Medıa-aptalyqtyń sońǵy kúni de paıdaly sharalarǵa toly bolmaq. Aqparat jáne kommýnıkasııalar mınıstrligi О́ńirlik BAQ alıansymen birge ortalyq jáne jergilikti memlekettik organdardyń baspasóz qyzmeti qyzmetkerleri men túrli saladaǵy jýrnalıster úshin semınarlar ótkizbek. Onda baspasóz qyzmetteriniń ókilderine BAQ-pen tıimdi jumys júrgizýdiń, medıa jumysynyń ajyramas bóligi SMM-di (Social media Marketing) júrgizýdiń qyr-syry úıretiletin bolady. Sonymen birge, sarapshylar iskerlik baılanys ornatýdyń mańyzdylyǵy men medıa josparlaý tıimdiligin, zamanaýı medıa trendter jaıyn talqylap, strategııalyq oılaýdy damytý qupııalarymen bólispek.
«Astana Media Week»-tiń alǵashqy kúni medıa-kontentke tapsyrys berýshi iri televızııalyq jáne radıo-kompanııalar men medıaóndiris naryǵyndaǵy jeke kompanııalar, prodakshn-stýdııalar men shyǵarmashylyq ujymdar, prodıýserlik ortalyqtar jáne medıaónimder usynatyn túrli uıymdar arasynda iskerlik baılanystar ornatýǵa arnaldy. Iаǵnı shara otandyq medıaónimdi óndirý, satý-satyp alý, shyǵarmashylyq ıdeıalarmen almasýdyń qaınaǵan ortasyna aınaldy. Medıa-aptalyqtyń alǵashqy kúni qonaqtar qatarynda bolǵan, ulttyq brendke aınalyp úlgergen búrkitshi qyz Aısholpan, «Tomırıs» kınofılmine túsken Almıra Tursyn jáne basqalar sheteldik qonaqtarǵa maqtanyshpen kórsetetin otandyq medıanyń jańa kelbetin kórsetti.
Aýqymdy shara elimizdiń aımaqtaryndaǵy baılanystyń jańa baǵytta damýyna, bıznes álemindegi áriptesterimen tıimdi iskerlik baılanystar ornatýǵa jáne otandyq medıa salasynyń sheteldik seriktestermen halyqaralyq yntymaqtastyǵyn nyǵaıtýǵa septigin tıgizeri anyq.
Venera TÚGELBAI,
«Egemen Qazaqstan»
