Solardyń biri Almaty oblysynan kóship kelgen Talǵat Musabaev qazir mal sharýashylyǵymen aınalysady. Baǵymynda 20 shaqty iri qara maly bar. Kóterme aqyǵa baspana satyp alypty.
«Bul jaqta kún raıy salqyndaý bolǵanymen, tabıǵaty tamasha eken. Mal jaıylymy shúıgindi. Memlekettiń jeńildikti baǵdarlamalaryna qatysýdy oılastyryp otyrmyn», deıdi malsaq jan.
Túrkistan oblysynan at basyn tiregen Meıirbek Áshirbekov jergilikti sharýa qojalyǵynda eńbek etedi. Jalaqysy joǵary turaqty jumys tapqanyna qýanýly. Sharýashylyq jas otbasyny birinshi kezekte tegin baspanamen qamtamasyz etipti.
Aıta berse, mundaı jaǵymdy mysaldar kóp. Jumyspen qamtýdy úılestirý jáne áleýmettik baǵdarlamalar basqarmasynyń bólim basshysy Alma Mahmetovanyń aıtýynsha, ońtústik aımaqtardan kóship kelýshiler ekonomıkalyq áleýeti turaqty 224 eldi mekenge ornalastyrylyp, 255 adam jumyspen qamtylǵan. Qalǵandary óz isterimen aınalysýda. Byltyr 203 otbasy qonystansa, bıyl qabyldaý kvotasy 4 esedeı kóbeıgen. Jyl sońyna deıin olardyń qatary 700 otbasydan asyp jyǵylady dep kútilýde. Baǵdarlama talaptaryna saı otbasynyń ár múshesine 85 myń teńge kóleminde sýbsıdııa beriledi.
О́mir ESQALI,
«Egemen Qazaqstan»
Soltústik Qazaqstan oblysy
