Quramynda Qazaqstan halqy Assambleıasy Tóraǵasynyń orynbasary – Hatshylyq meńgerýshisi Leonıd Prokopenko, jazýshy, mádenıettanýshy, qoǵam qaıratkeri Murat Áýezov, Qazaqstan, Qyrǵyzstan, Tájikstan, О́zbekstan, Qytaı jáne Reseıdiń sarapshylary, fılosoftary, saıasattanýshylary, ǵylym men mádenıet qaıratkerleri, QHA ǵylymı-sarapshylyq keńesiniń, kafedralarynyń músheleri, etnomádenı birlestikterdiń ókilderi, stýdentter, QHA-nyń «Jańǵyrý joly» jastar qozǵalysynyń músheleri, BAQ ókilderi bar delegasııa Balqashtyń mańyndaǵy Bektaýata shatqalyndaǵy «Uly Dala órkenıeti» etnoaýylyna baryp, «Uly Dala Eliniń qasıetti murasy» respýblıkalyq tarıhı-ekologııalyq aksııasy sheńberinde Qazaqstannyń halyq aqyny jáne kompozıtor Shashýbaı Qoshqarbaevtyń kesenesine gúl shoqtaryn qoıdy.
Budan keıin M.Hamzın atyndaǵy Mádenıet saraıynda jastarǵa arnalǵan mádenı-tanymdyq «Rýhanı jańǵyrý» kovorkıng-ortalyǵynyń saltanatty ashylý rásimi bolay. Al keshke taman shyǵarmashyl jastardyń «Balqash kúzi» I festıvali ótti.
Búgin Balqash qalasyndaǵy M.Hamzın atyndaǵy Mádenıet saraıynda «Jibek joly boıyndaǵy suhbattar-2018: Uly Jibek joly – tarıh jáne qazirgi zaman» halyqaralyq konferensııasy ótedi.
Konferensııa barysynda qatysýshylar Uly Jibek jolynyń dástúrlerin jalǵastyrýǵa baılanysty óz oılarymen bólisedi, sondaı-aq onyń jalpymádenı qundylyqtardy, etnosaralyq jáne konfessııaaralyq toleranttylyqty qalyptastyrýdaǵy rólin talqylaıdy.
Qaırat ÁBILDA,
«Egemen Qazaqstan»
Qaraǵandy oblysy,
Balqash qalasy
