Is-sharaǵa sondaı-aq Polsha, Ekvatorlyq Gvıneıa, Bolıvııa, Kot-d’Ivýar, Kýveıt, Nıderlandy, Efıopııa, Perý jáne Shvesııanyń memleket basshylary, úkimet basshylary men mınıstrleri qatysty.
Qazaqstannyń atynan sóz sóılegen Syrtqy ister mınıstri Qaırat Ábdirahmanov jappaı qyryp-joıý qarýyn taratýǵa jáne paıdalanýǵa qarsy kúres Qazaqstannyń syrtqy saıasatynyń basty basymdyqtarynyń biri bolyp tabylatynyn atap ótti. «Bizdiń Memleket basshysy Nursultan Nazarbaev ıadrolyq arsenaldan bas tartý jáne Semeı ıadrolyq polıgonyn jabý týraly batyl sheshim qabyldady. Halyqaralyq qoǵamdastyq osy is-áreketter buryn-sońdy bolmaǵan jáne joǵary deńgeıde qoldaýǵa laıyq dep tanyp, Semeı polıgonyn jabý kúnin 29 tamyzdy Iаdrolyq synaqtarǵa qarsy is-qımyldyń Halyqaralyq kúni retinde belgiledi», - dep Mınıstrdiń sózinde atalǵan.
2018 jylǵy qańtarda BUU Qaýipsizdik Keńesindegi qazaqstandyq tóraǵalyqtyń basty is-sharasy retinde taratpaý salasyndaǵy senim sharalary jónindegi kezdesý bolǵany málim. Prezıdent N. Nazarbaevtyń qańtar aıyndaǵy kezdesýinde, sondaı-aq «Álem. HHI ǵasyr» manıfesinde iri ıadrolyq derjavalar ıadrolyq qarýdan azat beıbitshilikti nasıhattaý boıynsha birinshi qatarda turyp, jappaı qyryp-joıý qarýyn qysqartý úlgisin kórsete bilý qajet ekenin atap ótti.
Qazaqstannyń pikirinshe, Iаdrolyq qarýdy taratpaý týraly shart (IаQTSh) óziniń tıimdiligi men ózektiligin joǵaltpaýy tıis. Alaıda, álem úshin jappaı qyryp-joıý qarýmen kúreste myqty halyqaralyq-quqyqtyq negiz qajet. IаQTSh-nyń asımmetrııalyq emes túrde júzege asyrylýy ıadrolyq jáne ıadrolyq emes elder arasynda senimdi nyǵaıtýǵa kedergi jasaıdy. Iаdrolyq synaqtarǵa jappaı tyıym salý týraly sharttyń erterek kúshine enýi jahandyq taratpaý arhıtektýrasynyń mańyzdy ári qajetti qurylymdyq elementteriniń biri bolýy tıis.
О́tken jyly MAGATE-niń Tómen baıytylǵan ýran bankiniń iske qosylýy elimizdiń taratpaý rejımin nyǵaıtýǵa jáne ýrandy beıbit maqsatta qaýipsiz paıdalanýyna qosqan qosymsha úlesi boldy. Qazaqstan AQSh-qa, Eýroodaqqa, Birikken Arab Ámirlikterine, Kýveıtke, Norvegııaǵa jáne Iаdrolyq qaterdi qysqartý jónindegi bastamaǵa (NTI) jobaǵa qarjylyq qoldaý kórsetkeni úshin, sondaı-aq Qytaı jáne Reseıge tómen baıytylǵan ýran jáne jabdyqtardy Bankke tranzıtteý boıynsha yntymaqtastyǵy úshin alǵysyn bildirdi.
Mınıstr óz sózinde Qazaqstan Prezıdentiniń IаQTSh-tan shyǵý jolyn asa kúrdeli, múmkin, BUU Qaýipsizdik Keńesiniń arnaıy qararyn shyǵarý boıynsha jáne Shartty buzǵandar aýyr saldarǵa ushyraıtyny jónindegi usynysy týraly eskertti. Qazaqstan ıadrolyq derjavalar, ıadrolyq qarýdan óz erkimen bas tartatyn, sondaı-aq ıadrolyq emes mártebege ıe memleketterge mundaı qarýdy satyp almaýǵa yntalandyrý retinde zańdy kepildik beretin júıeni damytý qajettigine senimdi.
«Iаdrolyq qarýdan azat aımaqtar da taratpaý jónindegi salanyń tıimdi quraly bolyp tabylady. Prezıdent N. Nazarbaev qazirgi ıadrolyq qarýdan azat aımaqtar arasyndaǵy yntymaqtastyqty nyǵaıtýdy jáne kelesi jyly Astanada joǵary deńgeıdegi kezdesý uıymdastyrýdy usyndy. Qaýipsizdik Keńesiniń bes turaqty múshesi osyndaı aımaqtardyń keńeıtilýin jáne olarǵa qaýipsizdik kepildikterin qamtamasyz etilýin yntalandyrýy tıis», - delingen Qazaqstan málimdemesinde.
