Aımaqtyq máslıhattyń kezekti otyrysynda óńir basshysy Nurlan Noǵaev jıynǵa qatysýshylarǵa Atyraý oblysynyń áleýmettik-ekonomıkalyq damýyn aıtyp ótti.
Oblys ákiminiń aıtýynsha, qazirgi ýaqytta óńirdegi ekonomıkalyq jaǵdaı turaqty, memleket basshysynyń tapsyrmalary oryndalýda, sonymen qatar barlyq memlekettik baǵdarlamalar josparǵa sáıkes júzege asyrylyp otyr.
- Kásipkerlik salasyna keletin bolsaq, búgingi kúni Atyraý oblysynda 45 906 belsendi shaǵyn jáne orta bıznes sýbektisi tirkeldi, birinshi toqsannyń qorytyndysy boıynsha jalpy somasy 413,3 mlrd. teńgeniń ónim óndirildi, bul ótken jylǵydan 38,7% - ǵa joǵary. Shaǵyn jáne orta bıznes sýbektilerinde birinshi toqsan boıynsha 121,9 myń jumys orny quryldy, - dedi Nurlan Noǵaev.
Budan ózge, Atyraý oblysynda bıznesti qoldaýǵa baǵyttalǵan memlekettik baǵdarlamalar boıynsha jalpy somasy 3,1 trıllıon teńgege 31 ınvestısııalyq joba júzege asyrylýda, onda 3635 jumys orny ashyldy.
Aýyl sharýashylyǵynda da jaqsy nátıjelerge qol jetkizildi. Búgingi tańda egis alqabynyń jalpy aýdany 8 616 gektardy quraıdy, tamshylatyp sýarý ádisi 2,540 gektarǵa paıdalanylanýda. Balyqtyń qundy túrlerin saqtaý jáne kóbeıtý úshin balyq ósirý kanaldaryn tereńdetý boıynsha Qıǵash ózeni boıynsha 132 shaqyrym, sondaı-aq Jaıyq ózeniniń 62 shaqyrymynda júzege asyrylýda.
- Oblysta jumyssyzdyq deńgeıi 4,9%, bıyl 27 613 jańa jumys ornyn ashý josparda bolsa, 8 aıdyń kórsetkishi boıynsha 20 182 jańa jumys orny quryldy, onyń ishinde 11 260 oryn turaqty », - dedi óńir basshysy.
Bilim berý salasynda oblysta 4 mektep apattyq jaǵdaıda, olardyń bireýine jańa ǵımarat salý bastaldy, al qalǵan úsheýine jobalyq smetalyq qujattamalary ázirlenýde. Atyraý oblysynda qazirgi tańda úsh aýysymmen oqıtyn 14 mektep bar. Bul máseleni sheshý úshin 14 jańa mekteptiń qurylysy bastaldy, taǵy 8 mektep memlekettik-jeke menshik áriptestik qaǵıdaty boıynsha salynatyn bolady. Jańa oqý oryndarynyń iske qosylýy mektepterdegi oqýshylardyń keptelý máselesin sheshýge múmkindik beredi.
- Balabaqshalar boıynsha mektep jasyna deıingi balalardy qamtý 95% quraıdy, memleket basshysynyń tapsyrmasy boıynsha bul kórsetkishti 100% - ǵa deıin arttyrý josparlanýda. Jergilikti bıýdjet qarajaty esebinen jáne aımaqtaǵy jer qoınaýyn paıdalanýshylar áleýmettik aýdarymdardyń esebinen balabaqshalar men mektepke deıingi mekemeler salynady. Máselen, óńirdegi MJÁ qaǵıdasyna sáıkes, 20 jańa balabaqsha salý josparlanýda, - dep málimdedi oblys ákimi.
Oblysta bala men ana óliminiń, týberkýlezdiń jáne onkologııalyq aýrýlardyń tómendeýi baıqalady. Medısınalyq nysandar qazir 100% ınternetke tolyq qosylǵan kompıýterlik tehnıkamen jabdyqtalǵan, qyzmetterdiń kópshiligi elektrondy formatta usynylǵan.
Búgingi kúni óńirde MJÁ negizinde eki mańyzdy joba iske asyrylýda - kóshelerdi jaryqtandyrýdy jańǵyrtý, sondaı-aq aýyl turǵyndaryna rentgenografııa qyzmetterin kórsetý. Qazirgi ýaqytta Atyraý qalasy men onyń mańyndaǵy aýdandarda jalpy uzyndyǵy 106 km bolatyn 39 kóshege kóshe jaryqtary jasaldy. Qazir MJÁ sheńberinde aımaqtaǵy taǵy 194 kósheni qamtıtyn kóshek jaryqtaryn ornatýǵa kelissózder júrgizilýde.
- Jer qatynastary salasynda búgingi tańda 500 myń gektar jer memlekettik menshikke qaıtaryldy, jaqyn arada aýksıondarda jer telimderi shyǵatyn bolady. Jeke turǵyn-úı qurylysyna bólingen 400 ýchaskege barlyq qajetti ınfraqurylymdar júrgizilýde. Budan basqa taǵy 3500 jer ýchaskesine ınjenerlik kommýnıkasııalar júrgizilýde. - dedi Nurlan Noǵaev.
Búgingi kúni qoǵamdyq qaýipsizdik salasynda oblys ortalyǵyna kire beriste 4 stasıonarlyq polısııa beketiniń qurylysy aıaqtalyp, qala mańyndaǵy aýdandarda 20 polısııa ýchaskesi salynýda.
Atyraý oblysy ákiminiń baıandamasyn oblystyq máslıhattyń depýtattary bir aýyzdan maquldap, oń baǵa berdi.
