Festıvaldiń negizgi baıqaýyna 109 elden 1800-den astam fılm kelip túsken. Nátıjesinde, negizgi baıqaýǵa otandyq «О́zen» fılminen basqa, Eýropa, Azııa jáne Afrıka rejısserleri túsirgen 15 fılm iriktelip alyndy. Festıvaldiń ashylý saltanatynda Bredlı Kýperdiń rejısserlyq debıýty – «Juldyz týyldy» mıýzıkly kórsetiledi.
Atalǵan halyqaralyq kınofestıvaldiń qazylar alqasynyń quramyna rejısser Brılıante Mendosa, prodıýser Braıan Berk jáne Tarane Alıdostı jáne Kaho Mınamı sekildi aktrısalar, rejısser ári prodıýser Stenlı Kvan kirdi.
«Emır Baıǵazın – Qazaqstan atynan usynylyp otyrǵan «О́zen» fılminiń rejısseri. Bul fılm erekshe kórkem túsirilgen. Emır Baıǵazın – osy esimdi esten shyǵarmańyzdar», – dedi festıvaldiń dırektory Iosı Iаtabe fılmniń tanystyrylymynda (RIA jańalyqtary habarlaýy boıynsha).
«О́zen» fılminiń álemdik tusaýkeseri Venesııa kınofestıvali sheńberinde ótken bolatyn. Bul festıvaldiń «Kókjıekter» baǵdarlamasynda Emır Baıǵazın úzdik rejısser atandy. Al fılmniń Soltústik Amırıkadaǵy tusaýkeseri ústimizdegi jyly qyrkúıek aıynda Halyqaralyq Toronto kınofestıvali aıasynda ótti. Kınotýyndy festıvaldiń «Tuǵyrnama» («Platforma») konkýrstyq baǵdarlamasynda kórsetilip, qazylar alqasynyń qurmetti atalymyna jáne Screen Daily táýelsiz kınosynshylardyń reıtıngisi tiziminde aldyńǵy qatardan kórindi. Odan bólek, «О́zen» fılmi úshin Emır Baıǵazın Gollıvýdtyń shetel baspasózi qaýymdastyǵynyń grantyna ıe boldy.
«О́zen» fılmi órkenıetten alys jerde turatyn, úıine qaladan qonaq kelgen keıin ómiri kúrt ózgere bastaǵan bes aǵaıyndy týraly baıandaıdy. Aslan týraly trılogııanyń aldyńǵy eki bólimi 2013 jáne 2016 jyldary Berlın kınofestıvaliniń negizgi baǵdarlamasyna qatysqan bolatyn. «Aslannyń sabaqtary» fılmi «Kúmis aıý» jáne Morgenpost nemis gazetiniń júldesimen marapattalǵan.
Aıgúl AHANBAIQYZY,
«Egemen Qazaqstan»
