Jıynda osy másele boıynsha TMD múshe memleketteri – memleket aralyq gýmanıtarlyq yntymaqtastyq qorynyń teń tóraǵasy Mıhaıl Shvydkoı baıandama jasap, atqarylatyn sharalardy tanystyrdy. Onyń aıtýynsha, jeńistiń 75 jyldyǵyn toılaý boıynsha 49 shara ótkizý qarastyrylǵan. Solardyń basym bóligi soǵys ardagerlerine qamqorlyq kórsetýge arnalǵan.
«Qazirgi tańda TMD kóleminde 100 myńǵa jýyq soǵys ardageri bar. Olarǵa erekshe nazar aýdarý qajet ekeni belgili. Joba boıynsha ótkiziletin sharalardyń basym bóligi ardagerlerge materıaldyq, medısınalyq jáne basqa da qamqorlyq kórsetýge baǵyttalǵan», deıdi M.Shvydkoı.
Atap aıtar bolsaq, jobanyń basty baǵyttarynyń biri soǵys derekterin burmalaý áreketteriniń aldyn alýǵa arnalǵan. Sonymen qatar M.Shvydkoı jastarǵa jeńistiń mańyzyn túsindirý qajettigin jetkizdi.
Budan bólek, jeńistiń 75 jyldyǵyna TMD elderiniń bárine ortaq arnaıy medal jasaý qajettigin usyndy.
Jıyn qorytyndysy boıynsha, TMD memleketter basshylary jeńistiń 75 jyldyǵyn atap ótý jónindegi sharalardy biraýyzdan qoldady.
Abaı ASANKELDIULY,
«Egemen Qazaqstan»
Dýshanbeden
