Saltanatty sharaǵa Qazaqstannyń Memlekettik hatshysy Gúlshara Ábdihalyqova, oblys ákimi Qyrymbek Kósherbaev jáne qala ákimi Nurlybek Nálibaev arnaıy qatysyp, barsha qala turǵyndaryn aıtýly merekemen quttyqtady.
«Syr súleıleri» alleıasynda qalaǵa qarasty kent, aýyldyq okrýgterdiń qaz-qatar ornalasqan qarasha úılerinen etnoaýyl boı túzese, arnaıy tigilgen aq shatyrlarda qala meıramhanalary ulttyq dastarhan mázirin jáne sharýa qojalyqtary qaýyn, qarbyz, qymyz, shubat, baýyrsaqtardy qala turǵyndary men qonaqtaryna tartý etti.
Bul kúni qalaǵa qarasty sharýashylyq qurylymdary 600 lıtr qymyz, 600 lıtr shubat, 4 tonna qaýyn, 4 tonna qarbyz, 50 kg qaýyn qaq, 50 kg qaýyn qurt ákelse, qala kásipkerleriniń merekelik tartýy retinde «Braýnıs» kondıterlik ashanasy, «Salem Village» saýda marketi, «Shah saraı», «Maqsut», «Koreana» meıramhanalary túrli as mázirlerin jáne jeke kásipkerler qalamyzdyń 200 jyldyǵyna arnap 200 qorap baýyrsaq ázirledi.
Baqtııar TAIJAN,
«Egemen Qazaqstan»
Qyzylorda oblysy
