2008 jáne 2012 jylǵy Olımpıada oıyndarynyń dopıng synamasy jańa ádis boıynsha qaıtadan tekserilip, Halyqaralyq Olımpıada komıteti reseılik Tatıana Lebedevanyń dopıngke qarsy erejeni buzǵany anyqtady. Atap aıtar bolsaq, onyń 2008 jylǵy Beıjiń Olımpıadasyndaǵy kórsetkishi kúmán týdyrǵan bolatyn. HOK onyń kórsetkishin joqqa shyǵardy.
2008 jylǵy Beıjiń Olımpıadasynda Olga Rypakova úsh qarǵyp sekirýden tórtinshi oryn alǵan bolatyn. Alaıda, grekııalyq Hrısopııa Devetsıdiń dopıng synamasy qaıta tekserýden ótken soń, ol qola medalinen aıyrylyp, Rypakova úshinshi orynǵa shyqqan.
Lebedeva óziniń kinási joq ekenin eki jyl boıy dáleldeýge tyrysty. Biraq 2016 jyldyń 12 qyrkúıeginen bastap reseılik sportshy eki jylǵa sporttan shettetilip, onyń 2008-2010 jyldar aralyǵyndaǵy nátıjesi joqqa shyǵaryldy.
Osylaısha, Olga Rypakova úsh Olımpıadada júlde alǵan sportshy atanyp otyr. Ol 2012 jylǵy London Olımpıadasynda altyn, 2016 jylǵy Rıo Olımpıadasynda qola júldege ıe bolǵan edi.
