2018 jyly Nobel syılyǵymen ekinshi áıel adam marapattaldy. AQSh bıohımıgi Frensıs Arnold fermentterdiń evolıýsııasy jáne peptıdter men antıdenelerdi salystyrý salasyn Djordj Smıt jáne Gregor Vıntermen birge zerttegen.
Arnold – baǵyttalǵan evolıýsııa salasyndaǵy alǵashqylardyń biri. Ol hımııalyq reaksııalardy katalızdeıtin aqýyzdardy baqylaýǵa alǵan. Olardy bıootyn óndirisinen bastap, farmasevtıkalyq ónimderge deıin kóptegen salalarda qoldanýǵa bolady.
Amerıkandyq Djordj Smıt jáne brıtandyq Gregorı Vınter fagalyq dıpleıdi oılap tapty. Bul – aqýyzdyń DNQ, peptıdter jáne basqa aqýyzdarmen ózara baılanysyn zertteýdiń laboratorııalyq ádisi.
Smıttiń zertteýine súıensek, bakterıofagtardy jańa aqýyzdar evolıýsııasy úshin paıdalanýǵa bolady. Al Vınter muny jańa dári-dármek óndirisi úshin qalaı paıdalanýǵa bolatynyn tapty.
Búginde fagalyq dıspleı toksınderdi beıtaraptandyrýǵa jáne aýtoımmýndy aýrýlarmen, metastatıkalyq qaterli isikpen kúresýge múmkindigi bar antıdenelerdi óndirý úshin qoldanylady.
