«Joǵary bilim salasynda oqý oryndaryna talaptar qataıa túsedi. Granttardyń sanyn ósirdik. Endigi kezekte jaýapkershilikti arttyratyn ýaqyt keldi. JOO-nyń tabystylyǵynyń basty talaby - oqý bitkennen keıin stýdentterdiń jumyspen qamtylýy, olardyń joǵary aılyǵy bar jumysqa ornalasýy bolmaq. Ýnıversıtetti bitirgennen keıin - túlekterdiń hali ne boldy, olardy aılyǵy jaqsy jumysqa qabyldady ma? Solaı bolsa, demek, ýnıversıtet myqty degen sóz. Olaı bolmasa, bul ýnıversıtettiń ómirsheńdigi de joq. Ol ýnıversıtetke stýdentterdiń túspeıtini anyq», - dedi Prezıdent.
«Osy jyly barlyq ýnıversıtetter túlekterdi daıyndap shyǵardy. Qaı ýnıversıtetten qanshasy jumysqa ornalasa aldy? Ol týraly jarııaly túrde aıtyp, baspaǵa jarııalap, telearnadan kórsetý kerek. Mine, sondyqtan JOO-lardy irilendirý saıasatyn júrgizý kerek. Bizdiń elde 130-dan astam ýnıversıtet bar. Shyny kerek, olardyń sany buryn 200-ge jýyq edi. Álbette, JOO-larǵa qarsy emespin, kimniń qaıda oqysy kelse, sonda oqysyn. Biraq, eshkimge qajet bolmaı qalatyn adamdardy daıyndaýdyń, jaı dıplom bere salýdyń keregi ne?» - dedi Memleket basshysy.
«Naryqta tek joǵary bilim bere alatyn JOO-dar qalýy kerek. Jahandyq ýnıversıtettermen yntymaqtastyqty jalǵastyryp, Nazarbaev Ýnıversıtetiniń tájirıbesi boıynsha álemniń úzdik top-menedjerlerin tartý kerek. Álbette, Nazarbaev Ýnıversıtetine qomaqty qarajat bólinip jatyr deýi de múmkin. Biraq, basqa ýnıversıtetter - Almatydaǵy Ekonomıka jáne saýda ýnıversıteti me edi - tartyp jatyr ǵoı. Olar da sátti jumys isteýde. QazUÝ-da solaı sátti jumys babynda. Qazirgi bilim berý ınfraqurylymynyń bazasy negizinde Nazarbaev Ýnıversıtetiniń úlgisi boıynsha taǵy bir aımaqtyq JOO ashý kerek dep esepteımin», - dedi Prezıdent.
