Elorda turǵyndary men qonaqtary úshin qyzylordalyq óndirýshileridiń 380 tonna ártúrli ónimderi - 120 tonna baqsha daqyldary, 90 tonna kúrish, 15 tonna balyq, 15 tonna jylqy, sıyr jáne qoı eti, 6 tonna sút ónimderi, 50 tonna kókónis, qııar jáne qyzanaq, 4 tonna jemis-jıdek pen tuz usynylady.
Jármeńke «Qazaqstan» sport kesheniniń aýmaǵynda 6-7 qazan kúnderi saǵat 9.00-18.00 aralyǵynda bolady. Sonymen qatar, munda oblystyq fılarmonııa ártisteriniń konserti de uıymdastyrylady.
Sońǵy 5 jylda oblystyń jalpy ishki ónimindegi aýylsharýashylyǵynyń úlesi 2,5%-dan 3,7%-ǵa deıin, aýylsharýashylyǵynyń negizgi kapıtalyna salynǵan ınvestısııalar kólemi - 22,8, azyq-túlik óndirisi - 5,3, et óndirisi - 2,7, sút - 2,4, jumyrtqa 396 esege ósip otyr.
Sondaı-aq, 2018-2022 jyldarǵa arnalǵan aımaqtyń Agrokartasy ázirlenip, Agrokartanyń is-sharalar jospary boıynsha jalpy somasy 7,0 mlrd. teńge bolatyn 10 ınvestısııalyq jobany iske asyrý qolǵa alyndy.
Oblysta ósimdik sharýashylyǵy ónimderin ártaraptandyrý qarqyndy júzege asyrylýda. Sońǵy 5 jylda jem-shóp jáne maıly daqyldar 18 myń gektarǵa (2014 jylmen salystyrǵanda) artty. 2017 jyly oblystyń kúrishshileri 500 myń tonna rekordtyq ónim jınady.
О́ndiristik negizde kartop, kókónis jáne baqsha daqyldary óndiriledi. Bıyl Qyzylordada ıspan tehnologııasy boıynsha avtomattandyrylǵan jylyjaı kesheni paıdalanýǵa beriledi. Sondaı-aq, Jańaqorǵan aýdanynda túrik ınvestorlarynyń qatysýymen taǵy 20 jylyjaı salý jáne qyzanaq óndiretin iri jobalardyń birin júzege asyrý josparlanyp otyr. Qazirgi ýaqytta túrik sorttaryna synaq júrgizilýde.
Aǵymdaǵy jyldyń sońynda sút ónimderin óndirý úshin 1200 bas asyl tuqymdy malǵa arnalǵan sút fermasyn iske qosý josparlanýda. Sonymen qatar, ótken jyly Shıeli aýdanynda birinshi qus fabrıkasy óz jumysyn bastasa, Qyzylorda qalasynda da 2 qus fabrıkasy paıdalanýǵa berildi. Bıyl Qarmaqshy aýdanynda «Baıqońyr» ÁKK-men birge jylyna qýattylyǵy 1500 tonna ónim shyǵara alatyn qus eti zaýytynyń qurylysy bastaldy. Jyl sońyna qaraı «Syr Marjany» et óńdeý zaýytynyń qurylysy júrgiziletin bolady.
Aǵymdaǵy jyly aýylsharýashylyǵy ónimderiniń eksporty 37 paıyzǵa, onyń ishinde kúrish eksporty 39 paıyzǵa artty, al baqsha daqyldary - 3,5 esege, kókónister eksporty - 2 esege ósti. Sondaı-aq, 2018 jyldan bastap Saflor munaıynyń Qytaıǵa eksporty bastaldy jáne jyl sońyna deıin 500 tonna saflor maıy eksporttalady.
