Dóńgelek ústel basyndaǵy áńgimede Akademııa professorlary, fakýltet dekandary, kafedra meńgerýshileri jahandaný jaǵdaıyndaǵy qoǵamnyń rýhanı jáne zııatkerlik damýyn, qundylyqtar máselesin, qazirgi bilim berý men tárbıe, jańa baǵyttardyń damýyn jáne ony iske asyrý joldarynyń sheshýshi faktorlaryn talqylandy. Ulttyq О́ner akademııasy rektorynyń mindetin atqarýshy, saıasattaný ǵylymdarynyń doktory, professor Sháripbek Ámirbekov qatań básekelestik jaǵdaıynda jumys isteýgen týra kelip otyrǵan búgingi ustazdarǵa júkteletin mindetterdi alǵa tarta otyryp, bul joldaǵy nátıjeni bilim sapasy men bilikti mamannyń ǵana aıqyndaıtynyn basa aıtty. Muǵalim mártebesin belgileıtin arnaıy zań qabyldaý qajettiligi de básekelestiktiń bıigine umtylyp otyrǵan ár ustazǵa barynsha qamqorlyq jasaý maqsatynda qolǵa alynǵaly otyrǵany aıan. «Akademııada oqytýshylyq-professorlyq quramnan bólek, 200-den asa kıim tigýshi, jaryq berýshi, aıaq kıim sheberi, dekorator syndy tehnıkalyq qyzmetkerler bar, ujymdaǵy osy kisilerdiń aılyq jalaqysy edáýir mólsherge artqaly otyr» dedi Sháripbek Ámirbek.
«Bul Joldaý Elbasy jarııalaǵan bes ınstıtýsıonaldyq reformany júzege asyrý men 100 qadammen úndes ári ózindik ereksheligi bola tura, burynǵy Joldaýlardyń zańdy jalǵasy sııaqty. Joldaý jyldaǵydaı jyldyń basynda emes, jyl sońyna qaraı jarııalanyp otyr. Bul memlekettik organdardyń kelesi jylǵa arnalǵan bıýdjetin aldyn-ala Joldaýda belgilengen tapsyrmalarmen sáıkestendirip, bekitýge jáne tıisti baǵdarlamalar men josparlardy ýaqtyly qabyldap, 1 qańtardan bastap júzege asyrýyna, jyl sońynda qoıylǵan mindetterdi oryndaýyn naqty baqylaýǵa múmkindik beredi», dedi Akademııa jıynyna arnaıy kelgen «Nur Otan» partııasy Medeý aýdandyq fılıaly tóraǵasynyń birinshi orynbasary Merýert Serikqyzy.
Akademııa professory Esmuhan Obaev N.Nazarbaevtyń Otany úshin, halqynyń ál-aýqaty úshin tolǵana kelip jarııalap otyrǵan kezekti Joldaýy ekonomıka zańdylyqtaryn jáne halyqaralyq saıasatty jaqsy bilgendikten dúnıege kelgen dep topshylaıdy. «О́ıtkeni qalaı bolǵanda da ekonomıkalyq ósim halyqtyń ál-aýqatyn kóterýge tıis. Prezıdent qandaı reformany qolǵa alsa da, ol tek halyqtyń jaǵdaıyn órkendetýge, elimizdi kórkeıtýge arnalady».
Akademııa stýdentterine dramatýrgııadan sabaq beretin belgili jazýshy-dramatýrg Sultanáli Balǵabaev óz sózinde jańa kezeń týdyryp otyrǵan qıyndyqtarǵa baılanysty Prezıdenttiń naqty sheshimder jıyntyǵyn usynyp otyrǵanyn aıtty. Jyldam damyp bara jatqan ýaqyttyń boljaýǵa kelmeıtin kezdeısoq qıyndyqtary jahandyq máselelermen tyǵyz baılanysty bolǵandyqtan, júıeli jańǵyrý úderisiniń júrýi qısynǵa saı. Dramatýrgtiń pikirinshe, Prezıdent eldiń ál-aýqatyn kóterý men bilim sapasyna beker mán berip otyrǵan joq. Bilim sapasyn arttyryp, bilimdi jastar shoǵyryn kóbeıtpeı, memleketimizdegi ózge salalar jumysynyń jandanýy da neǵaıbyl. Qoǵamdy qyzyqtyryp nemese alańdatyp otyrǵan saýaldarǵa Prezıdent Joldaýynda naqty jaýaptar men sheshimder aıtyldy. Tek belgilengen mindetterdiń jemisti júzege asýy úshin azamattar tarapynan ynta men jiger jetkilikti bolsa, bolǵany.
Aıgúl AHANBAIQYZY,
«Egemen Qazaqstan»
ALMATY
