Táýligine 20-25 tonna kúrishti bastyratyn dıirmendi iske qosqan Izatýlla Úsenov basshylyq jasaıtyn «Nurbol-I» seriktestigi shaǵyn zaýytty Qytaı memleketinen ákelgen eken.
Avtomattandyrylǵan zaýyttyń ashylý saltanatyna arnaıy kelgen aýdan ákimi Ǵalym Ámireev:
– Memleket basshysy halyqqa dástúrli Joldaýynda zamanaýı tehnologııalardy keńinen paıdalana otyryp, agroónerkásip keshenin damytý jaıyn aıtty. Elbasy agrarlyq saıasat eńbek ónimdiligin túbegeıli arttyrýǵa jáne óńdelgen ónimniń eksportyn ulǵaıtýǵa baǵyttalý kerektigin aıryqsha nazar aýdaryp otyr. Bul óz kezeginde shıkizatty qaıta qamtamasyz etip, álemdik naryqqa sapasy joǵary ónim shyǵarýǵa múmkindik beredi. Mundaı kúrish aqtaıtyn iri sehtyń keleshegi joǵary. Bul eńbek ónimdiligin arttyryp qana qoımaı, syrtqy naryqqa jol ashady, – dedi.
Aýyl úshin aýylsharýashylyǵanda úlken múmkindikterge jol ashatyn saltanatty sharada el aǵalary bata berip, aqtileý tiledi.
Baqtııar TAIJAN,
«Egemen Qazaqstan»
Qyzylorda oblysy
