Bul sheshimdi Halyqaralyq Olımpıada komıteti Býenos-Aırestegi sessııada biraýyzdan qoldady. Senegalda ótetin halyqaralyq doda Afrıka qurlyǵyndaǵy alǵashqy Olımpıada jarysy bolmaq.
Senegal prezıdenti Maksı Sall: «Bul sheshimińiz Olımpıada tarıhynda bolmaǵan jaǵdaı. Bizdiń memleket pen túgel Afrıka qurlyǵy úshin úlken mártebe», dedi.
Olımpıada oıyndaryn ótkizýge úmitker elder arasynda Senegaldan bólek Botsvana, Nıgerııa men Týnıs memleketteri boldy. Oıyndar Senegaldyń Dakare, Dıanıado, Salı qalalarynda mamyr nemese maýsym aılarynda ótpek. О́z kezeginde Makı Sall 50 myń oryndyq olımpıada stadıonynyń qurlysyna qoldaý kórsetetinin aıtty.
Al 2018 jylǵy jasóspirimder arasyndaǵy jazǵy Olımpıada Argentına astanasy Býenos-Aıreste ótip jatqanyn eske salamyz.
