Almatydan juma kúni shyǵatyn poıyz jeksenbi kúni keri qaıtady. Saıahatshy jolaýshylar qonaq úı izdemeı, osy poıyzda tynyǵyp, Túrkistandy eki kún aralaıdy. Bul poıyz keleshekte kún saıyn saparǵa shyǵady degen jospar bar. Sonymen qatar, ıeliginde zaman talabyna saı 100-den astam vagon bar «Turan ekspress» kompanııasy Túrkistan men Shymkent qalalary arasynda kún saıyn qatynaıtyn poıyz baǵytyn ashýdy da qolǵa almaqshy.
Oblys ákimi Janseıit Túımebaevtyń qabyldaýynda bolyp, pikir almasqan kompanııa basshysy óńirdiń týrızmin damytýǵa úles qosatynyn aıtty. Bul oraıda «Turan.tv» telearnasy Túrkistan oblysy men Túrkistan qalasynyń kórikti, shejireli oryndary týraly beınematerıaldar, reportajdar, fılmder ázirlemek. Ákimdiktegi kezdesý barysynda «Turan ekspress» kompanııasy men Túrkistan oblysynyń jolaýshylar kóligi jáne avtomobıl joldary basqarmasy, týrızm jáne syrtqy baılanystar basqarmasy jáne ishki saıasat basqarmasy arasynda áriptestik jáne iskerlik baılanys jóninde memorandýmǵa qol qoıyldy.
Ǵalymjan ELShIBAI,
«Egemen Qazaqstan»
Túrkistan oblysy
