О́ńirdiń ındýstrııalyq damýymen, atap aıtqanda, mashına jasaý salasymen tanysý aıasynda, Premer-Mınıstr «Daewoo Bus Kazakhstan» JShS-ine, «SemAZ» JShS-ine bardy. Baqytjan Saǵyntaev avtoqurastyrý zaýytynyń jumysyn tekserip, tehnologııalyq prosespen jáne qosalqy bólshekter men akkýmýlıatorlar óndirisi jelisimen, túrli daıyndaý satylaryndaǵy avtokólik qurastyrý sapasymen tanysty.
Shyǵys Qazaqstan oblysynyń jalpy óńirlik óniminiń qurylymynda ónerkásip úlesi 31,8% quraıdy. 2017 jyly ónerkásip óndirisiniń kólemi 1581,5 mlrd teńgeni qurady. 2017 jyly óńdeý ónerkásibinde avtokólik quraldarynyń, treılerler men ashyq tirkemelerdiń óndirisi 88,1%-ǵa, farmasevtıkalyq ónimder 3,7 esege, hımııa ónimderi 16,2%-ǵa, elektr jabdyqtary 74,8%-ǵa, basqa da daıyn buıymdar 22,3%-ǵa artty. 2018 jylǵy qańtar–tamyz aralyǵynda ónerkásiptik ónimder shyǵarý kólemi 1187,8 mlrd teńgeni qurady. Naqty kólem ındeksi — 108,7%.
Kásiporyn qalalyq jáne qala mańyna qatynaıtyn Daewoo jolaýshylar avtobýstaryn shyǵarýǵa mamandanǵan. Sonymen qatar, bıyl «Daewoo Bus Kazakhstan» JShS jolaýshylardy qalaaralyq tasymaldaýǵa arnalǵan tutas metall shanaǵy bar «GAZel Next» avtokólikterin shyǵarýdy ıgerdi.
«2017 jyly 3 mlrd teńgege 136 avtobýs shyǵaryldy. Osy jyldyń qańtar–tamyz aılarynda 2,3 mlrd teńgege ónerkásiptik ónim shyǵaryldy: 82 Daewoo avtobýsy shyǵaryldy, bul ótken jylǵy deńgeıden 7,9%-ǵa joǵary», — dedi «SemAZ» JShS jáne «Daewoo Bus Kazakhstan» JShS bas dırektory Á. Dosqojanov.
Jalpy, kásiporyn básekege qabiletti taýarlardy shyǵarýǵa jáne eksporttaýǵa baǵdarlanǵan. Búgingi tańda ónimder ishki naryqta jáne Keden odaǵy men TMD elderinde suranysqa ıe. Sonymen qatar, zaýyt qýattylyǵy jylyna 1200 avtobýsty quraıtynyn eskersek, jańa ótkizý naryqtaryna shyǵý boıynsha jumystar júrgizilip jatyr.
Á. Dosqojanovtyń málimdeýinshe, kompanııa «Belarýs» traktorlaryn jáne júk kólikterin de shyǵarady. Osy jyldyń 8 aıynda 4,2 mlrd teńgege ónim shyǵarylǵan. 170 «Belarýs» traktory, 186 júk avtokóligi, sonyń ishinde 74 «SHACMAN» avtokóligi, 30 Foton júk avtokóligi jáne 82 «Ýral» júk kóligi shyǵarylǵan. Budan ózge, kásiporynda shyǵarylatyn ónim túrlerin ulǵaıtý, sonyń ishinde 40 tonna júk kótergishtigimen júk kólikteriniń jańa túrin ıgerý men «Gazel Bıznes», «Gazel NEXT» qurastyrý jelisin shyǵarý arqyly ulǵaıtý kózdelgen.
