– Qazaqstan kópkonfessııaly memleket retinde konfessııaaralyq dıalogty damytý isine óz úlesin qosýda. Bul О́zińiz ókildik etetin uıymnyń maqsattaryna saı keledi, – dedi Nursultan Nazarbaev.
О́rkenıetter alıansynyń Joǵary ókili forýmǵa qatysýǵa múmkindik berilgeni úshin Memleket basshysyna alǵys aıtyp, Qazaqstannyń álemdegi mádenıetter arasyndaǵy ózara túsinistikti damytý isindegi róli aıryqsha ekenin atap ótti.
– Men Álemdik jáne dástúrli dinder kóshbasshylarynyń sezine úshinshi ret qatysyp otyrmyn. Buǵan deıin men eshqashan osynshama din ókilderimen kezdesken emespin. Elderińizdiń órkenıetaralyq dıalogty damytý jolyndaǵy kúsh-jigerin joǵary baǵalaımyn, – dedi Nasır Abdýlázız ál-Naser.
Kezdesý barysynda Qazaqstan Prezıdenti halyqtar arasyndaǵy beıbitshilikti, dostyq pen yntymaqtastyqty nyǵaıtýǵa jáne qoǵamdaǵy ózara kelisimdi saqtaýǵa qosqan úlesi úshin Nasır Abdýlázız ál-Naserdi II dárejeli «Dostyq» ordenimen marapattady.
