Elbasynyń Qazaqstan halqyna jańa Joldaýynda ásirese bilim, turǵyn úı-kommýnaldyq sharýashylyǵy salasyn damytýǵa, bankterge qoldaýǵa erekshe kóńil bólinip otyr. О́z basym ásirese aldaǵy jyldyń «Jastar jyly» dep jarııalanatynyna qatty qyzyqtym. Bul bizdiń jastarymyzǵa, keleshek urpaqqa kórsetilip otyrǵan qamqorlyq, úlken múmkindik qoı.
Qazaqstan táýelsizdik alǵaly qanshama bıik belesti baǵyndyryp keledi. Munyń bári eldegi beıbit ómirdiń arqasy. Prezıdenttiń «Barlyq kezeńde de tabysqa degen nyq senim men halyqtyń birligi ǵana el taǵdyryn sheshken. Birlesken kúsh-jigerimizdiń arqasynda ǵana biz uly asýlardy baǵyndyra alamyz» deýi – úlken danalyqtyń kórinisi. Shynyn aıtsaq, birlik barlyq salaǵa kerek. Bizdiń medısına salasyna da.
Bıylǵy Joldaý «Qazaqstandyqtardyń ál-aýqatynyń ósýi: tabys pen turmys sapasyn arttyrý» dep ataldy. Tabys kóbeıip, turmys sapasy artsa, halyqtyń densaýlyǵy da jaqsarady. О́ıtkeni tabysy kóp, turmysy joǵary otbasy ýaqytymen demalady, nárli tamaq ishedi, ózin sapalyq turǵyda damytýǵa múmkindik tabady. Árıne, mundaı jaǵdaıda Qazaqstannyń da deńgeıi kóteriledi. Bulardyń bári bir-birimen tikeleı baılanysty nárse ǵoı. Elbasy alǵa qoıǵan mindetterge jetsek, elimiz aldyńǵy qatarǵa shyǵatyny anyq.
Medısına qyzmetkerleri de qoǵamnyń ajyramas bir bólshegi. Joǵaryda aıtylǵan turmys pen tabys bizge de qatysty. Áleýmettik sala qyzmetkerleriniń, onyń ishinde dárigerler de bar, jalaqysy kóbeıetindigi bizdi de qýantady. Eń bastysy – qazaqstandyq medısına qyzmetkerleri durys bilim alsa, maman retinde jaqsy jumys jasaýyna barlyq jaǵdaı jasalsa, beıneti men zeıneti bir-birine saı bolsa, odan artyq ne kerek?!
О́zim qyzmet etetin Oral qalasyndaǵy №5 kópbeıindi emhana – jańadan salynǵan, jańa aýdanda ornalasqan mekeme. Bizdiń emhana aýmaǵynda 51 myń turǵyn tirkelgen. Osynsha halyqtyń kóńilinen shyǵý, suranysyn oryndaý ońaı sharýa emes. Barlyq jerdegi sııaqty kadr tapshylyǵy bizde de kezdesedi. Jaqynda osy taqyrypqa arnaıy konferensııa da ótti. Biraq, qalaı desek te dárigerler Gıppokrat antyna adal. Aldyna kelgen naýqastyń barlyq talap-tilegin oryndap, tıisti emin jasaýǵa bar yntasyn salyp qyzmet etip keledi.
Jańa joldaýda qarapaıym halyqty qoljetimdi baspanamen qamtý máselesi taǵy da aıtyldy. Jalpy adam balasy úshin onyń óz shańyraǵy, baspanasy bolýy – óte mańyzdy ǵoı. Elbasymyz bul máseleni árqashan basty nazarda ustap keledi. Oǵan ózim de kýámin. Osydan 10 jyl buryn memlekettik baǵdarlama boıynsha óz páterime qol jetkizdim. Jyldyq ósimi 10 paıyzben alyp, búginde aıyna 17-18 myń teńge tólip otyrmyn. Mundaı múmkindik qazir barshaǵa qoljetimdi – aqshańdy jına, qujattaryńdy rette, ıpotekańdy al. Esh kedergi joq qoı.
Aıta bersem, jańa Joldaýdan alǵan áserim kóp. Mysaly, bilimdi mektepke deıingi saladan bastaý týraly Elbasynyń sózi qatty unady. Shynynda da adamnyń minezi, tulǵalyq irgetasy balabaqshadan qalyptasady ǵoı. Birlik pen tatýlyqqa, ujymda eńbek ete bilýge balabaqshadan baýlyǵan sábı jaman adam bolmaıdy.
Bizdiń Batys Qazaqstan oblysynda medısına salasyna sıfrlandyrý úrdisi erekshe qolǵa alynǵandyǵynan barsha jurt habardar shyǵar. Mysaly bizdiń emhanada halyq densaýlyǵyn qamtamasyz etýge qajetti barlyq jabdyq bar. Qazirdiń ózinde sıfrlyq medısınanyń ıgiligin, oń nátıjesin kóre bastadyq. Qazir burynǵydaı qaǵazbastylyq joq. Naýqas emhanaǵa kelgende ıin tiresip kezekte turmaıdy. О́z ýaqyty qashan keletinin monıtordan kórip, jaıly jerde kútedi. Dárigerler de qaǵaz tasýdan qutyldy. Burynǵy «dárigerdiń jazýy túsiniksiz» degen zaman ótti. Bir mysal aıtaıyn, aýyldan kelgen bir týysym jaqynda aýrýhanaǵa jatatyn boldy. Sóıtse, bir analızin úıde umyt qaldyrypty. Burynǵy kez bolsa aýlyna qaıta baryp, qansha ýaqyty men qarjysyn joǵaltar edi ǵoı. Bul joly dáriger naýqastyń elektrondy bazadaǵy málimetterin ashyp qarap, barlyq analız nátıjesin sol jerden bile qoıdy. Mine, sıfrly medısınanyń keremeti.
Aıjan ÁJIǴALIEVA,
№5 emhananyń statısi
Oral qalasy
