Bas ravvın málimdemesin «Men bul jerge eń qasıetti qala Ierýsalımnen kelip turmyn. Bizdiń din neni oqytady? Iýdeı dininiń negizderiniń biri - shalom, ıaǵnı beıbitshilik. Beıbitshilik adamzat ómiriniń bir negizi, beıbitshilik - Qudaıdyń esimderiniń biri», dep bastady.
Onyń aıtýynsha, otbasynyń buzylýyna taraptardyń bir-birine qulaq aspaýy sebebinen týyndaıdy.
«Ártúrli jaǵdaılar bolyp jatady. Zańnamamyzǵa sáıkes, barlyq taraptardy tyńdaı bilýimiz kerek. Onyń ornyna biz taraptardy tatýlastyrýǵa májbúrleımiz. Solaısha, otbasynyń buzylýyna jol bermeýge tyrysamyz. Tájirıbeme súıene otyryp sóıler bolsam, urystyń bári - taraptardyń birin-biri tyńdaǵysy kelmeýi sebebinen týyndaıdy. Al taraptar bir-biriniń sózin tyńdaýǵa bar-joǵy bir sát bólse ǵana bári ózgerip shyǵa keledi», - deıdi Ishak Iosef.
Izraılden kelgen I. Iosef qulaqqa asa mán berý kerek ekenine toqtaldy.
«Iýdeı zańy boıynsha árbir dene jaraqatynyń ózindik quny bar. Iаǵnı, bet nemese ózge de múshe jaralansa, onyń belgili bir baǵasy belgilengen. Biraq, bizde qulaqqa túsirgen jaraqat úshin kináli adam eń joǵarǵy qundy tóleıdi. Onyń quny - kisini óltirgenmen birdeı. Iаǵnı, adam estimeıtindeı jaǵdaıda qalsa - onda ol óli adammen birdeı bolyp qalady».
Qorytyndylaı kele, ol osyndaı ashyq-dıalogtyq alańdardyń bolǵanyna jáne dál osy din kóshbasshylarynyń seziniń róli mańyzdy ekenin aıtty.
«Qaqtyǵys barysynda ártúrli adamnyń oı-pikirleri de ártúrli. Mine, sondyqtan, Nursultan Nazarbaev bárimizdi bir ústeldiń basyna jınap, biregeı múmkindik berip otyr. Endigi jaýapkershilik bizde. Konstrýktıvti dıalogty jasaı otyryp, ózgege úlgi bola bilýimiz kerek», - dep túıdi ravvın.
Aqmaral AǴZAMQYZY,
«Egemen Qazaqstan»
