Túrki elderine ortaq ádebıet pen mádenıetti qaıta jańǵyrtý, rýhanı dúnıelerdi urpaq jadynda qaldyrýǵa yqpal jasaý maqsatymen ótkizilip otyrǵan shara Ystanbul Mádenıet ýnıversıtetimen birlese uıymdastyrylǵan.
Túrkistan oblysynyń basshysy Janseıit Túımebaev alǵashqy bolyp sóz alyp, qatysýshylardy sımpozıýmnyń bastalýymen quttyqtady. «Búgingi sımpozıýmnyń róli erekshe. О́ıtkeni, bul Túrkistan oblysy qurylyp, jańa oblys ortalyǵy Túrkistan qalasy bolyp bekitilgen tusta uıymdastyrylyp otyrǵan Halyqaralyq sımpozıým. Túrkistan - túrki áleminiń rýhanı ortalyǵy. Munda eldiń taǵdyryna qatysty keleli máseleler sheshilgen. Búgingi jıynnan da kúterimiz mol», - dedi Janseıit Qanseıituly.
Keıin Q.A.Iаsaýı atyndaǵy Halyqaralyq qazaq-túrik ýnıversıteti О́kiletti keńesiniń tóraǵasy, professor Mýsa Iyldyz, Ystanbul Mádenıet ýnıversıtetiniń rektory, professor Ihsan Karaman, Q.A.Iаsaýı atyndaǵy HQTÝ prezıdenti, professor Bolatbek Ábdirásilov, oqý ornynyń I vıse-prezıdenti Jengız Tomar sımpozıýmnyń mán-mańyzyna keńirek toqtaldy. Sondaı-aq basqosýǵa Túrkııa, Qyrǵyzstan, Bosnııa, Ázerbaıjan elderinen ǵalymdar qatysty.
Halyqaralyq jıyn 11 taqyryptyq baǵyt boıynsha ótedi. Atap aıtqanda, ádebıet, BAQ jáne mádenı zertteý, bilim, ekonomıka, quqyq, memlekettik basqarý, qoǵamdyq saıasat, saıasattaný, áleýmettaný, tarıh, halyqaralyq qatynastar syndy salalar qamtylmaq. Sımpozıým 13 qazanǵa deıin jalǵasady.
