Atap aıtqanda, keler jyldan bastap tómengi jalaqy mólsherin bir jarym esege arttyrýǵa oraı berilgen tapsyrmany oryndaý úshin, oblys bıýdjetinen qosymsha qarjy qaralatyn boldy. Búginde Almaty oblysy boıynsha 100 myńǵa jýyq adam eń tómengi jalaqy alatyn bolsa, onyń ishinde 41 myń adam bıýdjettik sala qyzmetkerleri eken. Olarǵa 2019 jyldyń alǵashqy aıynan bastap tólenetin jalaqy mólsheri 42 000 teńge mólsherin quramaqshy.
Prezıdent Joldaýynda naqtylanǵan baǵyttyń biri aımaqtardaǵy 3 aýsymdy mektepterdi azaıtý bolatyn. Bul taraptan Jetisýda aıtarlyqtaı jetistik bar. Alaıda, aımaqtaǵy demografııalyq dúmpý men ishki mıgrasııanyń joǵary bolýy orta bilim alýǵa dege nsuranysty jyl ótken saıyn artyryp otyr. Qazir oblystaǵy 34 mekteptiń oqýshylary 3 aýysymda oqýǵa májbúr. Aımaqta mektep salý isi qarqyndy júrgizilgenimen, oqýshylar sanynyń jyl saıyn kóbeıýi úsh aýysymdy tolyq joıýǵa múmkindik bermeýde. Mysalǵa, bıylǵy oqý jylynyń basynda oblys boıynsha 46 myń bala 1-synypqa barǵan. Degenmen, Elbasynyń jańa Joldaýy júktegen mindet boıynsha mektep qurylysyna serpin beriledi. Keler jylǵa josparlanǵan jańa bilim oshaqtarynyń sanyn 26 nysanǵa deıin kóbeıtý kún tártibine qoıyldy.
Aıtpaqshy, turǵyndardy baspanmen qamtý maqsatynda bastalǵan «7-20-75» baǵdarlamasynyń aımaqtaǵy aıaq alysy aýyz tolytyryp aıtarlyqtaı emese eken. Baǵdarlama júze asa bastaǵaly jarty jyldan astam merzim ótse de, turǵyndardan túsken ótinishti qanaǵattandyrý mardymsyz. Iаǵnı, ekinshi deńgeıli bankter arqyly jalpy quny 849 mln teńgeni quraıtyn baspana úshin 73 ótinim qabyldanyp, onyń ishinen 53 ótinim ǵana tıisti talapqa saı bolǵan. Al naqty berilgen páter sany tórteý ǵana. Sondaı-aq, aımaqta turǵyn úı qurylysyna jeke ınvestorlardy tartý jumystary da syn kótermeıdi. Demek, turyǵndardy qol jetimdi baspanamen qamtý úshin jasalatyn jumystardy jandandyrý kerek. Al oblys boıynsha búginde 42 myń adam baspana kezeginde tur...
Joldaýda ómir súrýge qolaıly orta qalyptastyrý jaıy keńinen aıtylǵan bolatyn. Bul baǵyt boıynsha Jetisý óńirinde birqatar jumystar júrgizilýde. Negizinen aýyl sharýashylyǵyna arqa súıegen aımaqta adamdardyń ómir súrýine qajettiń barlyǵy bar. Jer emip, ónim alýǵa, óndiris jaǵalap, tabys tabýǵa tolyq jaǵdaı jasalǵan. Baspanadan bólek, eldi mekenderdi aýyz sýmen qamtamasyz etý jáne ishki qatynas joldaryn jóndeý boıynsha qarjy bólinýde. Taza aýyz sýmen qamtý deńgeıi bıyl 89,6 paıyzǵa jetpekshi. Bul elimizdegi eń ozyq kórsetkish. Al ishki joldardy jóndeýge bólinetin qarjy 30 mlrd teńgege deıin kóbeımek.
Jalpy, aımaqta Joldaý júktegen mindetterdi júzege asyrý kezeń-kezeńimen iske asyrylmaqshy. Elbasy tapsyrmasyn oryndaý oblys ákimi men onyń komandasyna tyń serpin berip, el senimin aqtaý jolyndaǵy taǵy bi rsynaq bolmaq.
- Memleket Basshysy Nursultan Nazarbaevtyń dástúrli Joldaýyn Jetisý jurty úlken qýanyshpen qabyldady. Joldaýda aıtylǵan mindetter áleýmettiń ál-aýqatyn kóterip, óńirdegi máselelerdi sheshedi. Jalaqy kóteriledi, ómir súrýge qolaıly jaǵdaı týǵyzý jolǵa qoıylady. Qol jetimdi baspanamen qamtý, mektep salý isine ekpinmen kirisemiz. Buǵan oblystyń tolyq múmkindigi bar. Joldaý júktegen mindetterdi múltiksiz oryndaý – bizdiń paryzymyz, - deıdi Almaty oblysynyń ákimi Amandyq Batalov.
Qalmahanbet MUQAMETQALI,
«Egemen Qazaqstan»
Almaty oblysy
