Er-Rııad jýrnalıstiń Ystambul qalasyndaǵy Saýd Arabııasynyń konsýldyǵynda joǵalǵany týraly aqparatty jalǵan dep tanýda. Ankara óz kezeginde Er-Rııadqa qysymyn kúsheıtýde.
«Saýd Arabııasy Hashoggıdiń Ystambuldaǵy bas konsýldyqtan ketkenin dáleldeýi kerek. Konsýldyq ókilderi jýrnalıstiń ǵımarattan shyǵyp ketkeni týraly jaı habarlamamen qutyla almaıdy. О́kiletti bılik muny dáleldeýi kerek. Eger ketken jaǵdaıda, kamera jazbasy sııaqty aıǵaq kerek», dedi Túrkııa prezıdenti Erdoǵan Býdapeshtegi konferensııa barysynda.
Bul oqıǵaǵa baılanysty AQSh prezıdenti Donald Tramp óz pikirin bildirdi.
«Bul jaǵdaı meni de ýaıymdatty. Tez arada sheshimin tabady dep senemin. Dál qazir eshkim naqty eshteńe bilmeıdi. Maǵan bul unamaıdy», dedi Tramp.
Djamal Hashoggı Er-Rııadtaǵy qazirgi saıasat týraly synı pikirlerimen tanymal. 2017 jyly Otanynan Amerıkaǵa qonys aýdarǵan, «Vashıngton Post» gazetine turaqty jazyp turǵan.
