Táýelsizdik alýymyzben tarıhymyzdy tanydyq. Shyǵarmalary zyndanǵa túskendeı bolǵan arystarymyzdyń aqtańdaq betteri ashyldy. Tarıhymyz qaıta jazyla bastady. Ásirese, ana tilimizdiń memlekettik mártebe alǵany júregi qazaq dep soǵatyn ár adamdy qýanta alǵany daýsyz. Ár óńir, ár kásiporyn is qaǵazdaryn memlekettik tilde júrgizýge talpynys tanytýyn ana tilimizge qurmet dep túsingen jón. Munyń bárine táýelsizdiktiń arqasynda qol jetkizip otyrmyz.
Tuńǵysh Prezıdentimiz Nursultan Nazarbaev memlekettik tildiń aıasyn keńeıtýdiń qajettiligin udaıy aıtyp keledi. Nursultan Ábishulynyń «Qazaq pen qazaq qazaqsha sóılessin» deýiniń astarynda jas urpaqtyń ana tilin erkin meńgerýine ónege bolsyn degen janashyrlyq baryn baıqaımyz. Úlkender ónege kórsetpeı, memlekettik tildiń kósegesi kógermeıtinin aǵa býynnyń túsingeni qajet. О́ıtkeni, táýelsizdiktiń arqasynda ǵana ana tilimizdiń abyroıyn asqaqtata aldyq. Tek tilimizdiń bedelin kóterip qana qoımaı, ulttyq ónerimiz ben mádenıetimizdi damytýdyń «Mádenı mura» memlekettik baǵdarlamasyn iske asyrdyq. Osy baǵdarlamanyń aıasynda ulttyq jaýharlarymyzdy sheteldiń úlken sahnalaryna shyǵaryp, Qazaqstannyń tek munaı men gaz sekildi tabıǵı baılyqqa emes, óneri de, mádenıeti de baı el ekenin tanytýǵa jol ashyldy.
Teginde qaı el bolsa da, tek ekonomıkasymen ǵana áleýetti bola almaıdy. О́rkenıetti damýǵa umtylǵan el ulttyq qundylyqtardy saqtaı otyryp, mádenıetin de, ǵylymyn da órkendetýge bet burady. Osy turǵydan aıtqanda, Elbasynyń Táýelsizdigimizdiń 20 jyldyq saltanatynda ǵylymdy damytýdyń, sonyń ishinde, ınnovasııalyq jobalardy jasaýdyń qajettiligin kóterýi óte oryndy. О́ıtkeni, ekonomıkanyń qaı salasy da ınnovasııasyz órken jaımaıdy. Qazir jahandaný dáýirinde ǵylymy qarqyndy damyǵan, ásirese, myqty ınnovasııalyq jobalary bar elder ǵana básekege qabiletti bola alady. Mine, osy sebepten Elbasy «Júz ınnovasııa» baǵdarlamasyn jasaqtaýdy Úkimetke tapsyrdy. Demek, elimizdiń áleýetti ǵalymdary men ozyq oıly jastaryna ınnovasııalyq jobalaryn iske asyrýǵa úlken múmkindik berilip otyr. Osy joba arqyly otandyq ǵylymdy damytýǵa jastardyń yntasy oıanyp, belsendiligi artýy tıis dep oılaımyn.
Jalpy, elimizde «Júz ınnovasııa» baǵdarlamasynyń iske asyrylatyny eldik múddeden týyndaǵany anyq. Mundaı joba ózge elderde iske asyrylyp jatyr degendi áli estigen joqpyz. Endeshe, táýelsiz Qazaqstanymyz álemde eń kóp ınnovasııalyq jobalardy iske asyrýdy kózdegen alǵashqy el bolǵaly otyr. Bul barshamyzdy jigerlendirýi tıis. Sonymen birge, Qazaqstannyń álemdegi mártebesin burynǵydan aıshyqtaı túsetin, táýelsizdigimizdiń baıandylyǵyn tuǵyrlandyra túsetin eń úlken baǵdarlama bolmaq.
Ábilhan TО́LEÝIShEV, «Qazaq tili» qoǵamy oblystyq fılıalynyń tóraǵasy.
Atyraý oblysy.
