Otandyq taýar óndirýshilerdi qoldaýǵa ekpin bergen «Aq jol» partııasynyń tóraǵasy Azat Perýashev bastaǵan uıym músheleri Taldyqorǵan qalasyndaǵy «Qaınar AKB» zaýytynyń jumysshylarymen kezdesti. Quramynda, sondaı-aq olımpıada chempıony B.Sársekbaev, «Qazgranıt» kompanııasynyń prezıdenti A.Ábildaev, «Jas maman» jastar qozǵalysynyń kóshbasshysy E.Ilııasov, Almaty oblysynyń kásipkerleri qaýymdastyǵynyń tóraǵasy N.Jazylbekov, partııanyń aımaqtyq aktıvi bar «Aq jol» partııasynyń respýblıkalyq saılaýaldy shtabynyń úgit-nasıhat toby Taldyqorǵan qalasynda birqatar saılaýaldy is-sharalar ótkizdi.
Al aımaq saılaýshylarymen kezdesý ótken «Aı-Ser» qonaq úıiniń zalynda ıne shanshar oryn bolmady. A.Perýashev «Aq jol» partııasynyń alǵa tartatyn basty máselelerin sóz etip, eldegi baǵa ósimi, azamattardyń tabysy, zeınetaqymen qamtamasyz etý, jumysqa ornalastyrý, taǵy da basqa kóptegen halyqtyń áleýmettik jaǵdaılaryna baılanysty saılaýshylar suraqtaryna jaýap berdi.
Sondaı-aq, keńeste kásipkerler quqyǵynyń buzylýy, sybaılas jemqorlyq pen sot sheshimderiniń keıbir daýly máseleleri talqylandy. Azat Perýashev aıtyp ótkendeı, «erkin bıznes-klımattyń qalyptasýy – partııanyń saılaýaldy tuǵyrnamasynyń mańyzdy bóligi jáne osy baǵyttaǵy partııanyń basty mindeti – qordalanyp qalǵan máselelerdi sheshý jáne bıznespen aınalysý úshin qalypty jaǵdaı týǵyzý».
Básekelestik pikirtalas bolǵanda ǵana halyqtyń múddesi qorǵalady. «Aq jol» partııasy oppozısııalyq partııa bolǵanymen, durys túsinistik ornyqqanyn qalaımyz. Aqjoldyqtar memleketke, Elbasyna qarsy emes. Kerisinshe, táýelsiz elimizdiń damýyna qosqan Memleket basshysynyń eren eńbegin baǵalaımyz. Elimizdegi qol jetkizilgen jetistikterdi bilemiz. Degenmen, áli de qolǵa alatyn túıindi máseleler bar. Oǵan úles qosýǵa daıyn ekendikterine ekpin berdi.
Kezdesýde «Aq jol» partııasynyń beldi múshesi, jýrnalıst Qazybek Isa sóz sóılep, jer jánnaty Jetisý jurtshylyǵy aldaǵy ótetin saılaýda ózderin qoldaıtyndyqtaryna senim bildirdi.
Kúmisjan BAIJAN.
TALDYQORǴAN.
