Úmitkerlerge sáttilik tiledi

Jaqynda Astana qalasynda Qa­zaq­stan Kommýnıstik halyqtyq par­tııasynyń qoldaýymen 5 jáne 15 jas arasyndaǵy balalar arasynda ka­rate-do-dan chempıonat ótkizildi. Bul jarys «Altyn aıdahar» karate-do shotokan federasııasynyń basshy­ly­ǵymen ótti.

Jas karateshiler aldynda QKHP hatshysy Jambyl Ahmetbekov qut­tyq­taý sóz sóıledi. Ol óz sózinde par­tııanyń jastar arasyndaǵy dene tárbıesin damytýǵa erekshe kóńil bóletindigin aıta kelip, elimizdiń jas­t­aryn buqaralyq sportqa tár­bıeleý úshin qoldan kelgenniń bárin jasaý kerektigin eskertti. Jarys qorytyndysynda partııa hatshysy jeńimpazdardy marapattap, karate básekesinde ózi sekildi qara belbeýge jetýlerine tilek bildirdi.

Jambyl Ahmetbekov jastaıynan osy sport túrimen aınalysyp keledi. Ol talaı jarys máresinde jeńimpaz tuǵyrynan kóringen. Sportqa beıim hatshynyń aıtýy boıynsha, saılaý­al­dy nasıhat jumystary ádil ári túsinikti júrgizilý kerek. Ol karate sporty jastardyń shymyr da kúshti bolýy úshin óte qajet sport bolyp tabylady.

QKHP-nyń saılaýaldy úgit-na­sıhat jumysyn júrgizý josparyna sáıkes Parlament Májilisiniń depý­tat­tyǵynan eki úmitker Atyraý ob­ly­syn aralady. Bul óńirde Kommýnıstik halyqtyq partııanyń belsendileri jer-jerlerde úgit-nasıhat ju­mystaryn júrgizdi. Atap aıtqanda, olar Atyraý qalasyndaǵy medı­sı­na­lyq kolledjde júzdesý ótkizip, par­tııa­nyń saılaýaldy tuǵyrnamasymen tanystyrdy. Qaladaǵy bazarlardyń birinde Kommýnıstik halyqtyq partııa belsendilerimen kezdesken saı­laý­shylar shaǵyn jáne orta bızneske qatysty ózderin tolǵandyrǵan saý­al­darǵa jaýap aldy. Kezdesý bary­syn­da bazardaǵy jurt kommýnaldyq qyz­met tólemderi men azyq-túlik ba­ǵa­synyń qymbattaýyna alańdaý­shy­lyq bildirdi.

Partııa qatarynan depýtattyqqa kandıdattar Májilis kóppartııaly bolýy qajet ekendigin atap kórsetti. Olar qańtardaǵy saılaýda halyqtyń jetkilikti daýysyna ıe bolatyn bolsa, qoǵamdaǵy keıbir kemshilikterdi sheshetindikterin málimdedi. Júzdesýge jı­nal­ǵan jurt Qazaqstan Kommýnıstik ha­lyqtyq partııasy úmitkerleriniń saı­laý­aldy úgit-nasıhat jumystaryna tú­sinistikpen qarap, úmitkerlerge aldaǵy saılaý dodasynda sáttilik tiledi.

Jylqybaı JAǴYPARULY.