Oral óńirinde «Kondensat» kompanııalar toby (KKT) ózderiniń áleýmettik máselelerdi sheshýdegi joǵary jaýapkershilikteri arqyly respýblıkadaǵy ózge kásiporyndarǵa úlgi kórsetip keledi. Bul úrdis, eń aldymen, turǵyndardyń áljýaz toptaryn materıaldyq jaǵynan qoldap, olarǵa qomaqty qarajat bólýinen kórinis taýyp júr. Áleýmettik máselelerdi sheshýdegi úlken kásiporynnyń san qyrly qyzmeti óndiristiń joǵary qarqyny men tıimdiligine jol ashty. Biz osy turǵyda «Kondensat» kompanııalar tobyna qarasty kadrlar jáne áleýmettik máseleler departamentiniń bastyǵy Dına ǴALIMETDENOVAMEN pikirlesken edik.
– Dına Erseıitqyzy «Kondensat» kompanııalar toby udaıy joǵary óndiristik jetistikterge jetip júr. Munyń syry nede dep oılaısyz?
– Aldymen aıtarym, ujymnyń ár múshesi óz qyzmetine úlken jaýapkershilikpen qaraıdy, ári óz isterin árkez maqtan tutady. Kompanııalar tobynyń negizgi tiregi – munda uzaq jyldardan beri qyzmet istep kele jatqan tájirıbeli mamandar. Bizdiń mekemede aıta qalarlyqtaı kadrlardyń aýys-túıisi bola qoıǵan joq. Bul kompanııanyń turaqty túrde alǵa basýyna jáne eńbek kórsetkishiniń joǵarylaýyna oń áser etti. Bul tek kadrlar qyzmetiniń úlken eńbegi ǵana emes, sonymen qatar, kásiporyndaǵy barlyq býyn jetekshileriniń óz isterin sheber atqara bilýi úshin kompanııa basshysynyń kadrlyq saıasatty oıdaǵydaı uıymdastyra bilýinen dep bilemin.
Kadrlar saıasatyndaǵy eleýli bir jáıt – qyzmetkerlerdi jumysqa qabyldaý. Bul jolda biz barlyq mehanızmder men tetikterdi iske qosamyz. Atap aıtqanda, aldymen kadrlardy kompanııanyń ózinen, sosyn kadr agenttikteri jáne BAQ arqyly izdestiremiz, oqý oryndarymen baılanys jasap, joǵary kýrs stýdentteri úshin tájirıbe jumystaryn uıymdastyramyz.
Jas mamandy qyzmetke qabyldaı otyryp, biz oǵan óziniń eńbek etýge degen qulshynysy, qabileti jáne óz qyzmetine degen jaýapkershilikti aıqyn sezinýi – ony odan da joǵary laýazymdarǵa jetkizetinin árdaıym nazaryna beremiz. Bizde jas mamannyń kásibı turǵyda ósip-jetilýine barlyq jaǵdaılar jasalǵan.
– Kompanııada óz kadrlaryn tárbıelep shyǵarý tájirıbesi bar. Ol ózin aqtady ma?
– Iá, tájirıbeden kórip júrgenimizdeı, bul kompanııadaǵy jumystyń birqalypty atqarylýy úshin tańdap alynǵan óte durys tásil boldy. «Kondensat» KT búgingi tańda ózimizde qyzmet atqaratyndarmen úlken jumys júrgizýde. Ujymnyń óz ishinde kadrlyq rezervteri bar. Sondyqtan da kásibı mamandardyń negizgi legi óz ortalarynan shyǵady. Olar osy ortada tárbıelenedi. Mamandardy syrttan ákelýge tyrysatyn kompanııalar da bar. Biraq biz ujymdaǵy qalyptasqan ahýal men daǵdyny saqtaǵymyz kelgendikten, kadrlardy jıi ózgertýdiń qajeti joq dep esepteımiz. Eger jas maman bir qyzmette óziniń saýatty maman ekenin kórsetip, ujymnyń belsendi múshesi bola bilse – onda onyń odan da joǵary laýazymǵa kóterilýine jol ashyq.
– Kadrlyq qyzmettiń basqa qandaı túrimen aınalysasyzdar?
– Bizdiń kásiporynda adamdarmen jeke-jeke áńgimelesý tájirıbesi bar. Bul qyzmet barysynda da qoldanylady. Bul ne úshin qajet desek, ol máseleniń tek bir bólimdegi qyzmetkerlerdiń jáne qaramaǵyndaǵylardyń arasynda qalyp qoımaı, tezirek sheshimin tabý úshin kerek. Mysaly, eger jas maman óziniń qazirgi qyzmetinen de joǵary laýazymǵa kóterilgisi keletini týraly suraq qoısa, onda onyń múmkindigin baǵalaı otyryp, biz onyń kandıdatýrasyn basqa turǵyda qarastyramyz.
Jyl saıyn biz kásiporyndaǵy áleýmettik-psıhologııalyq ahýaldy saraptaý maqsatynda saýalnama júrgizemiz. Bul bizge ujymdy nendeı máseleler tolǵandyratynyn bilip otyrý úshin qajet. Tájirıbeden kórgenimizdeı, osyndaı saýalnamalar júrgizý nátıjesinde biz kóptegen túıindi máselelerdi sheshe bildik. Árıne, onyń deni áleýmettik-turmystyq máseleler.
Bizdiń kompanııaǵa qyzmetke ornalasyp, bir jáne odan da kóp jyl jumys istegen maman biliktiligin arttyrý kýrstarynan ótýge múmkindik alady. Bul jumysqa kompanııa óte kóp kóńil bólýde. Ári oǵan qajetti qarajatty bólýden únem jasaǵan emes. Bizdiń qyzmetkerler Almaty, Astana, Máskeý, Sankt-Peterbýrg qalalaryna oqýǵa baryp turady. Eki jyldan beri basqa qalalardaǵy qyzyqty semınarǵa qatysyp kelgen qyzmetkerler sondaı trenıngti óziniń basqa da áriptesterine úıretýde.
– Kompanııalar tobyna qajetti kadrlar ázirleý isi qalaı sheshimin tabýda?
– Biz kóp jyldan beri Jáńgir han atyndaǵy Batys Qazaqstan agrarlyq-tehnıkalyq ýnıversıtetimen tyǵyz qarym-qatynas ornattyq. Sonymen birge Batys Qazaqstan ınjenerlik-tehnologııalyq ýnıversıtetimen birlesip jumys isteı bastadyq. Bul joǵarǵy oqý oryndaryn tańdap otyrǵan sebebimiz – búgingi tańda bizde tehnıkalyq kadrlarǵa degen suranys týyndaýda.
Jyl saıyn bizdi qyzyqtyrǵan mamandyqtar boıynsha stýdentter bizge kelip óndiristik tájirıbeden ótedi. О́zderin jaqsy jaǵynan kórsete bilgen stýdentter, árıne, eńbekke ornalasýǵa múmkindik alady. Olar kompanııanyń kadrlyq rezervine qoıylady. Sol sııaqty biz Orynbor jáne Samara memlekettik ýnıversıtetterimen kelisimge otyrdyq. Osyndaı tıimdi áriptestik baılanystardyń nátıjesinde sol qalalardaǵy ýnıversıtetterde oqyp jatqan óńir stýdentteri bizdiń kompanııaǵa tájirıbeden ótýge keledi degen senimimiz bar.
– Kompanııalar tobynyń óz ujymyn odan ári nyǵaıtýy jáne kadrlardyń jıi aýysýyn boldyrmaý úshin qandaı is-sharalar belgilengen?
– Joǵaryda atap ótkenimizdeı, kásiporyndardaǵy kadr jáne áleýmettik saıasat «Kondensat» kompanııalar tobynda kadr máselesin sheshýine tolyq múmkindik berip otyr. Oǵan qosa qyzmetkerlerdi materıaldyq qoldaý da oń áserin tıgizýde. О́z mindetin abyroımen atqaryp, josparly kórsetkishin oryndap júrgen kompanııa qyzmetkerleri aılyq, toqsandyq jáne jyldyq syıaqyǵa ıe bolady. Al kompanııalar tobynda jeti jáne odan da kóp jyl eńbek etkender áleýmettik sebetpen qamtamasyz etiledi. Oǵan emdelýi úshin eńbek demalysyna qosymsha demeýqarjy jáne eńbekaqysy tólenetin qosymsha kún qosylady, zaem jáne basqa da syı túrleri beriledi. Aqsaı qalasynda jáne Qarashyǵanaq ken ornynda jumys isteıtinderge óndiristik aımaqtaǵy jumystary úshin jalaqysyna qosymsha tólenedi. Joǵary kórsetkishke qol jetkizgen ozattar da syıaqydan qur qalmaıdy. «Kondensat» kompanııalar tobyndaǵy qyzmetkerlerdi marapattaý jyldar boıy jetildirilgen. Ol úrdis áli kúnge jalǵasyp keledi.
Áleýmettik saıasat birjaqtylyqty kótermeıdi. Buǵan meılinshe kóp qyrlylyq sıpattar tán dep oılaımyz. Belgili bir kadrdy daıarlaý úshin birneshe jyl ótip, belgili mólsherde qarjy jumsalady. Kásiporyn osyndaı jolmen ózi daıarlap shyǵarǵan mamannyń kompanııada qalýyna barlyq jaǵdaıdy týǵyzýdy tájirıbege engizgen. О́ıtkeni, eńbek rynogy taýar men qyzmet kórsetý rynogy sııaqty básekelestikke toly.
Erekshe ataı keteıin degenim, kompanııa qurylǵan eń alǵashqy kúninen bastap konsorsıým ujymdary arasynda salamatty ómir saltyn ustaný jáne qoldaý, korporatıvtik mádenıettilik pen dástúrdi qalyptastyrýdy jolǵa qoıa bildi. Bul jalpy alǵanda, kadrlyq-áleýmettik saıasatty durys júrgizýge qajetti basty sharttardyń biri ekeni belgili. Túıip aıtqanda, kadrlyq saıasat – kompanııanyń qalypty jumys isteýiniń negizi. Táýelsizdiktiń tól qurdasy bolyp keletin «Kondensat» AQ kadrlardyń biliktiligi arqasynda atap aıtýǵa turarlyq kóptegen jetistikke jetti. Otandyq kásiporyn bolyp tabylatyn «Kondensat» kompanııasy tek óz ólkemizde ǵana emes, respýblıka boıynsha da naǵyz otanshyldyq úlgisin tanytyp keledi. Kásibı biliktilik pen óz isimizdi saýatty júrgize bilýdiń nátıjesinde biz osyndaı jetistikke jettik. Bul bizdiń Qazaqstannyń órkendeı túsýine qosqan úlesimiz dep sanaımyz.
Áńgimeleskender Marına IVANOVA, jýrnalıst,
Temir QUSAIYN, «Egemen Qazaqstan».
