116 úı jóndeldi

Búgingi kúni óziniń turǵyn úı jaǵdaıyn jaqsartýǵa eshkim ke­t­ári emes. Tipti árbir adam. Biraq, ókinishke oraı, tek jaqynda ǵana salynǵandar bolmasa, qazirgi úılerdiń barlyǵy birdeı tazalyq pen kútim jaǵynan alǵanda ta­lap­qa sáıkes kele bermeıdi. Osy jaǵdaıdy túzetý úshin memleket 2010-2020 jyldarǵa arnalǵan turǵyn úı-kommýnaldyq sharýa­shy­lyqt­y jańǵyrtý baǵdarla­ma­syn usynady. Iá, azamattar ómiriniń sapa­syn aıqyndaıtyn basty talap­tar­dyń biri turǵyn úıdiń tur­mys­qa saı sándi bolýy ekendigi ras. Bul jaıynda Memleket bas­shy­sy Nursultan Nazarbaev ózi­niń ár jyl saıynǵy halyqqa ar­naǵan joldaýlarynda aıtyp keledi. «Uzaq jyldardan beri kom­mýnaldyq sektor qaldyqtyq qa­ǵı­dat boıynsha qarjylan­dy­ry­lyp keldi. Osynyń saldarynan 2008 jyldyń qarsańynda kom­mýnıkasııalardyń 72 paıyzy jóndeý men aýystyrýdy qajet etti. Sondyqtan sý, jylý, elektr, gazben jabdyqtaý júıelerinde keń kólemdi jańǵyrtý jumys­taryn júrgizýimiz, sondaı-aq tur­ǵyn úı qatynasynyń yqsham da tıimdi modelin qalyptas­ty­rýymyz qajet», degen bolatyn Elbasy 2011 jyldyń 28 qańtary kúni. Sóıtip, Úkimetke eskirgen kom­mýnaldyq sharýashylyqty jań­ǵyrtýǵa múmkindik beretin jańa baǵ­darlamany jasaýdy tap­syr­dy. Kóptegen múddeli memlekettik organdardyń qatysýymen ázir­lengen bul baǵdarlama negizinen úsh baǵyttan turady. Onyń birinshisi, úılerdi jóndeý. Buǵan qajetti qarjy mynandaı joldarmen qarastyrǵan. Jumys­tar­dyń 30 paıyzyna bıýdjetten qar­jy bólinedi. Qalǵan 70 paıy­zy tarıf esebinen óteledi. Bul tarıf birqatar jyldarǵa sozyla­tyn­dyqtan onyń aýyrtpalyǵyn azamattar onshama sezine qoı­maıdy. Ekinshi, úshinshi baǵyttar – bul turǵyn úılerdi aǵymdaǵy jáne kúrdeli jóndeý. Bul iste úı­lerdi durystap, bútindeý ná­tıjesinde energııalyq qýat­tar­dyń shyǵyny edáýir dárejede únemdeletin bolady. Ásirese, jylý máselesinde. Munda aǵym­­daǵy jóndeýge qarjy kom­mý­nal­dyq kásiporyndarǵa bıýd­jetten nesıe berý arqyly qa­ras­tyry­lady. Qarjynyń ekin­shi bóligin memleket páter ıelerine nesıe esebinde beredi. Ony óteý on jylǵa deıin merzimdi qamtıdy. Ústimizdegi jyly úılerdi kúr­deli jóndeý jumystary qa­nat­qaqty negizde júrgizilýde. Oǵan árbir qaladan 10 úı iriktelip alynǵan. Eger 60 páterli turǵyn úıdi aǵymdaǵy jóndeýge shamamen alǵanda, 10 mıllıon teń­ge qajet bolsa, kúrdeli jóndeýge 25-30 mıllıon teńge ketedi. Mine, osyndaı joldarmen bıylǵy jyldyń ózinde 116 úı jóndeýden ótkizildi.