Teń jaǵdaıda jáne birdeı mólsherde

Keshe Aqparattyq daýlardy qaraý jónindegi qoǵamdyq keńestiń otyrysy ótti. Oǵan EQYU/DIAQB men TMD-dan baıqaýshylar mıssııalarynyń, «Qazaqstan Respýblıkasy Parlamenti Májilisi depýtattarynyń kezekten tys saılaýyn baqylaý jónindegi respýblıkalyq qoǵamdyq komıssııa» RQB-niń ókilderi, sondaı-aq JSDP men «Ádilet» demokratııalyq partııasynan baıqaýshylar qatysty.

Keńes músheleri Ortalyq saılaý komıssııasy Baılanys jáne aqparat mınıstrligimen birlesip ótkizetin BAQ monıtorınginiń aralyq qorytyndylaryn talqy­lady. Bul týraly Qazaqstan Res­pýb­lıkasy Baılanys jáne aq­pa­rat vıse-mınıstri Lázzat Tanys­baı baıandady. Onyń habardar etýinshe, monıtorıng 53 baspa ba­sylymdaryn, 13 respýblıkalyq telearnalar men 5 radıo­arna­lar­dy qamtıdy. Monıtorıng máli­met­terine sáıkes 2011 jylǵy 16-28 jeltoqsan aralyǵyndaǵy ke­zeń­de baspa buqaralyq aqparat quraldarynda JSDP týraly 40 materıal (onyń ishinde 16 materıal memlekettik jáne 24 materıal memlekettik emes BAQ-tar­da), «Aq jol» QDP týraly 37 materıal (onyń ishinde 16 materıal memlekettik jáne 21 materıal memlekettik emes BAQ-tarda), «Ádilet» DP týraly 34 materıal (onyń ishinde 16 materıal memlekettik jáne 18 materıal memlekettik emes BAQ-tarda), «Aýyl» QSDP týraly 30 materıal (onyń ishinde 15 materıal memlekettik jáne 15 materıal memlekettik emes BAQ-tarda), QKHP týraly 36 materıal (onyń ishinde 14 materıal memlekettik jáne 22 materıal memlekettik emes BAQ-tarda), «Nur Otan» HDP týraly 47 materıal (onyń ishinde 15 materıal memlekettik jáne 32 materıal memlekettik emes BAQ-tarda), QPP týraly 27 materıal (onyń ishinde 14 materıal memlekettik jáne 13 materıal memlekettik emes BAQ-tarda) jáne «Rýhanııat» partııasy týraly 39 materıal (onyń ishinde 15 materıal memlekettik jáne 24 materıal memlekettik emes BAQ-tarda) shyqqan.

Al televızııalyq arnalarda atalǵan kezeńde efırge JSDP týraly 81 materıal (onyń ishinde 43 materıal memlekettik jáne 38 materıal memlekettik emes telearnalarda), «Aq jol» QDP týraly 96 materıal (onyń ishinde 51 materıal memlekettik jáne 45 materıal memlekettik emes telearnalarda), «Ádilet» DP týraly 89 (onyń ishinde 50 materıal memlekettik jáne 39 materıal memlekettik emes telearnalarda), «Aýyl» QSDP týraly 66 materıal (onyń ishinde 46 materıal memlekettik jáne 20 materıal memlekettik emes telearnalarda), QKHP týraly 98 materıal (onyń ishinde 48 materıal memlekettik jáne 50 materıal memlekettik emes telearnalarda), «Nur Otan» HDP týraly 98 materıal (onyń ishinde 40 materıal memlekettik jáne 58 materıal memlekettik emes telearnalarda), QPP týraly 72 materıal (onyń ishinde 46 materıal memlekettik jáne 26 materıal memlekettik emes telearnalarda) jáne «Rýhanııat» partııasy týraly 93 materıal (onyń ishinde 50 materıal memlekettik jáne 43 materıal memlekettik emes telearnalarda) shyqqan.

Radıodan JSDP týraly 12 materıal, «Aq jol» QDP týraly 11 materıal, «Ádilet» DP týraly 9 materıal, «Aýyl» QSDP týraly 11 materıal, QKHP týraly 10 materıal, «Nur Otan» HDP týraly 18 materıal, QPP týraly 10 materıal jáne «Rýhanııat» partııasy týraly 11 materıal berilgen.

Aýmaǵy boıynsha memlekettik BAQ-tarda shyqqan materıaldardyń 14% – «Aq jol» QDP-nyń, 14% – «Ádilet» DP-nyń, 14% – «Nur Otan» HDP-nyń, 13% – «Aýyl» QSDP-nyń, 12% – JSDP-nyń úlesinde, al QKHP, QPP men «Rýhanııat» partııasynyń árqaısyna 11%-dan keledi. Al memlekettik telearnalardaǵy beınesıýjetterdiń uzaqty­ǵy boıynsha: Rýhanııat» partııasy týraly – 20%, «Nur Otan» HDP týraly – 13%, «Aq jol» QDP, «Ádilet» DP jáne QPP týraly – 12%-dan, QKHP men «Aýyl» QSDP týraly – 11%-dan, JSDP týraly – 9%.

«Osylaısha, saılaýǵa qatysyp otyrǵan saıası partııalardyń buqaralyq aqparat quraldaryna teń qol jetkizýi, jalpy alǵanda, oryndalyp otyr degen tujyrym jasaýǵa bolady. Baspa jáne elektrondyq BAQ-tarda olardyń qyzmeti negizinen teń jaǵdaıda jáne shamamen alǵanda birdeı mólsherde jarııalanyp keledi. Onyń ústine qazirgi sátte memlekettik buqaralyq aqpa­rat quraldary barlyq saıası partııalardyń qyzmetin belsendi jarııa etip kelse, memlekettik emes buqaralyq aqparat quraldary bılik partııasyna kóbirek kóńil bólip otyr», – dedi Lázzát Tanysbaı.

Qoǵamdyq keńestiń músheleri bul pikirmen kelisti, sondaı-aq Ortsaılaýkomǵa BAQ-tardyń úgit naýqanyn jarııalaý boı­yn­sha jumysynda oryn alyp otyrǵan kemshilikterge qatysty birqatar usynymdar berdi. Atap aıtqanda, keıbir baspa buqa­ra­lyq aqparat quraldarynyń úgit materıal­da­ryn qarjylandyrý kózderin kórsetpeı jarııa­laýy saılaý zańnamasy belgilegen talaptardan aýytqý bolyp tabylatyny nusqaldy.

Degenmen, Qoǵamdyq keńestiń múshesi, «In­dýstrıalnaıa Karaganda» oblystyq gaze­ti­niń bas redaktory Vladımır Ryjkov saı­laý­aldy úgit bastalǵaly bergi kezeńde Qara­ǵandy oblystyq saılaý komıssııasyna bu­qara­lyq aqparat quraldary tarapynan saı­laý­aldy úgit erejeleriniń buzylýy týraly bir de bir ótinish kelip túspegenin atap ótti. «Keıbir usaq kemshilikterge qaramastan, bul qazaqstandyq BAQ-tar men jýrnalıstterdiń úgit kezeńinde saılaý zańnamasymen belgilengen erejelerdi buljytpaı saqtaı oty­ryp jumys isteýge úırengenin kórsetedi», – dedi ol.

Qoǵamdyq keńestiń otyrysyna qatys­qan saıası partııalardyń, EQYUDIAQB Mıssııasynyń baıqaýshylary óz kezeginde memleket saılaýǵa qatysyp otyrǵan saıası partııalardyń BAQ-tarǵa qol jetkizýiniń teń jaǵdaıyn qamtamasyz etip otyrǵanyn aıtty. Al Qoǵamdyq keńestiń tóraǵasy, Eýropalyq quqyq saraptaý ınstıtýtynyń dırektory, «Chelovek ı zakon» respýb­lıkalyq gazetiniń bas redaktory Marat Báshimov buqaralyq aqparat quraldarynyń ókilderi meılinshe jıi qoıatyn BAQ-tardyń saılaýaldy úgit naýqany barysyndaǵy qyzmetine qatysty suraqtar boıynsha birqatar túsiniktemeler berdi.

Álısultan QULANBAI.