«Kámshat Baıǵaqyzynyń barlyq isi zamandastaryna, keıingi urpaqqa úlgi. Ol kisiniń arqasynda Harkov aýylyn da, osy attas sharýashylyqty da búkil Keńester Odaǵy ǵana emes, odan da tys jerler bildi. Kámshat apanyń aramyzdan ketkenine bir jyldyń júzi boldy, biraq biz ony eshqashan da umytpaımyz. Onyń atyn máńgi este qaldyrý úshin oblysta da, aýdanda da túrli sharalar atqarylyp jatyr» dedi aýdan ákimi Erlan Temenov.
Osy sharany uıymdastyrǵan «Qarqyn» sharýashylyǵynyń burynǵy jetekshisi, Qazaqstannyń Eńbek Eri Saıran Buqanov Kámshat Baıǵazyqyzyn ultymyzdyń, Qazaqstannyń maqtanyshy dep baǵalady.
– Kámshat Baıǵaqyzy er adamdar shydaı bermeıtin jumysty atqardy. Erlermen birdeı júrip jer jyrtty, egin ekti, astyq jınady, mal yzyǵyn daıyndady. Jumystan depýtattyq ismen sezderge, jınalystarǵa barǵanda bolmasa qalmaıtyn, josparyn oryndamaı tynym bolmaıtyn. Qyrdaǵy jumysynyń sytynda úı-jaıy, maly, bala-shaǵa qamy bar. Sonyń barlyǵyna ol úlgeretin.Onyń zamandastaryn tańqaldyrǵan eńbekqorlyǵy búgingi, keıingi urpaqqa jetýi tıis, – dedi Saıran Bálkenuly.
Harkov aýylynyń ortalyǵyndaǵy saıabaqqa burynǵy «Harkov» keńsharynda, qazirgi «Qarqyn» jaýapkershiligi shekteýli seriktestiginde eńbek etken ómirden ótken maıtalman mehanızatorlar men sharýayshyqtyń bilikti mamandarǵa árqaısysynyń aty jazylǵan mramordan belgi tastar qoıylǵan.
Eskertkish taqtanyń ashylý saltanatynan keıin as berilip, Kámshat apanyń árýaǵyna quran baǵyshtaldy.
Názıra JÁRIMBET,
«Egemen Qazaqstan»
Qostanaı
