Depýtattar «Stýdentterge qyzmet kórsetý ortalyǵyn», ınteraktıvti jabdyqtary bar dárishanalar men sot otyrysy zalyn, qylmystyq polıgondy aralady jáne kabınetterdiń tehnıkalyq jabdyqtalýymen, stýdentterdiń jataqhanamen qamtamasyz etilýimen tanysty.
Senator V.Volkov Memleket basshysynyń Joldaýynda bilim sapasyna basymdyq berilgenin atap ótti. «Túlekterdiń jumyspen qamtylýy joǵary oqý oryndarynyń bilim sapasynyń kórsetkishi bolmaq. Suranysy tómen mamandyqtar birtindep azaıady», dedi ol.
Senator N.Nursıpatov azamattyń róli men Joldaýdyń áleýmettik baǵdary týraly oıyn ortaǵa saldy. Sondaı-aq depýtat qazaqstandyq jastar úshin kóptegen baǵdarlamalardyń júzege asyrylyp otyrǵanyn jáne joǵary oqý oryndary men kolledj túlekterine beriletin jańa múmkindikter týraly aıtyp ótti.
Maıgúl SULTAN,
«Egemen Qazaqstan»
ASTANA
