Ol jalaqy máselesinde, memlekettik qyzmetkerlerge endi eńbegine, istegen jumysyna qaraı, baldyq shkala boıynsha tólenetinin aıtyp ótti. Balabaqshalardyń 52 myń tárbıeshisi biliktilikterin kóteretin bolady.
Mınıstr Joldaýda aıtqan óńdeý ónerkásibiniń ónimderin eksportqa shyǵarýdy 2,5 ese arttyrý týraly aıta kelip, osy tapsyrmanyń Qostanaı oblysy sekildi aýyl sharýashylyǵy damyǵan oblysqa qatysty ekenin de eskertti. Bul úshin ınvestısııalyq-ınnovasııalyq baǵdarlamalardyń, qýatty jobalardyń júzege asatynynan habar beredi.
Mınıstr aktıvke qatysqandardyń suraqtaryna da jaýap berdi. Soǵan oraı «Pedagogtardyń mártebesi týraly» zań jóninde aıtty.
«Elbasy muǵalimderdi saılaýlardan bastap, usaq sharalardy uıymdastyrýǵa deıin paıdalanatyny týraly ashyq aıtty. Bolashaq zań ustazdardy osyndaı artyq júktemelerden qutqaratyn bolady. Bilim jáne ǵylym mınıstrligi zańdy jazýǵa kirisip te ketti. Al oǵan jergilikti jerden únqosýlar, pikirler bolýy úshin zańnyń jasalýyna mamandardy qatystyrý kerek» dedi Darhan Káletaev.
Osyndaı máselelerdiń barlyǵyn qamtyǵan Joldaýdy adamdarǵa túsindirý úshin oblys ákimi Arhımed Muhambetov Qostanaı oblysynda 21 aqparattyq-túsindirý toptary qurylǵanyn aıtty.
Názıra JÁRIMBET,
«Egemen Qazaqstan»
Qostanaı
